The news is by your side.

Advertisement

ڈرون حملوں کے خلاف مولانا سمیع الحق نے مشاورتی اجلاس طلب کرلیا

اسلام آباد : جمیعت علماء اسلام سمیع الحق گروپ نے بلوچستان میں  ڈرون حملے کے خلاف تمام سیاسی و مذہبی جماعتوں کا مشاورتی اجلاس 30مئی کو اسلام آباد میں طلب کرلیا ہے۔

تفصیلات کے مطابق بلوچستان میں ہونے والے حملے کے خلاف جمیعت علماء اسلام (س) کے سربراہ نے ڈرون حملوں کو ملکی سالمیت کے خلاف قرار دیتے ہوئے تمام جماعتوں سے 27 مئی کو پورے ملک میں یوم سیاہ منانے کی اپیل کی ہے۔

جمیعت علماء اسلام کے ترجمان نے اس بات کی تصدیق کی ہے کہ مشاورتی اجلاس کا دعوت نامہ تمام جماعتوں کو بھیج دیا گیا ہے، اس میں تمام سیاسی و مذہبی جماعتوں کے نمائندے شرکت کریں گے۔

مزید پڑھیں : ڈرون حملے ملکی سالمیت کے خلاف ہیں،آرمی چیف کا امریکہ کو پیغام

دوسری جانب آرمی چیف آف اسٹاف جنرل راحیل شریف نے امریکی سفیر ڈیوڈ ہیلے سے ملاقات کر کے ڈرون حملوں پر شدید تحفظات کا اظہار کرتے ہوئے واضح کیا ہے کہ اس طرح کے حملے خطے میں امن و امان کی صورتحال کو خراب کرنے کا سبب بن رہے ہیں۔

واضح رہے تحریک طالبان کے نئے سربراہ ملا ہیبت اللہ اخوندزادہ نے مولانا سمیع الحق کے مدرسے اکوڑہ خٹک سے تعلیم حاصل کرکے سند حاصل کی ہے۔

Comments

comments

یہ بھی پڑھیں