site
stats
بزنس

دیہی خواتین کو با اختیار بنانے کیلئے سولربی بی پراجیکٹ کا افتتاح

اسلام آباد : خواتین کو تجارت اور کاروبار کے فروغ کیلئے سولر بی بی منصوبے کا آغاز کردیا گیا ہے جس کیلئے متعدد اداروں نے تعاون فراہم کیا ہے۔

تفصیلات کے مطابق اسلام آباد ویمن چیمبر کی بانی صدرثمینہ فاضل نے اسلام آباد میں ایک تقریب سے خطاب کرتے ہوئے کہا ہے کہ ملک کی نصف سے زیادہ آبادی خواتین پر مشتمل ہے، جنہیں ترقی دئیے بغیر ملکی ترقی نا ممکن ہے۔

ان کا کہنا تھا کہ خواتین کی اکثریت دیہات میں رہتی ہے جو بجلی کی عدم موجودگی یا لوڈشیڈنگ کی وجہ سے غروب آفتاب کے بعد کام کرنے سے قاصر ہوتی ہیں۔

انہوں نے کہا کہ یہ مسئلہ حل کرکے انہیں با اختیار بنانے اور ان کا معیار زندگی بہتر بنانے کیلئے متعدد اداروں نے مل کر سولر بی بی پراجیکٹ کا آغاز کیا ہے۔

ثمینہ فاضل کا کہنا تھا کہ مذکورہ پروجیکٹ سے دیہی خواتین کی زندگیوں میں انقلاب آ جائے گا، شمسی توانائی سے چلنے والے لیمپوں کی مدد سے خواتین مغرب کے بعد بھی کام کر سکیں گی جبکہ کاشتکار فجر سے قبل کھیتوں میں پانی لگانے کا کام بھی با آسانی کر سکیں گے۔

اس پروجیکٹ سے بیوہ خواتین کو بھی بہت فائدہ ہو گا جو اپنے گھرانے کا پورا بوجھ اٹھانے پر مجبور ہیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top