پاکستان کی سینئر اداکارہ ثمینہ پیرزادہ نے سوال اٹھایا ہے کہ کیا بطور اداکارہ میں معیشت اور سیاست پر بات نہیں کر سکتی؟
ثمینہ پیرزادہ سماجی رابطے کی ویب سائٹ ٹوئٹر پر کافی متحرک رہتی ہیں اور ملک کی موجودہ سیاسی صورتِ حال پر اپنے خیالات کا اظہار بھی کرتی ہیں۔
آج انہوں نے لکھا کہ میں بھی ایک عام شہری ہوں اور میرا بھی دل دُکھتا ہے اپنے ملک کے حالات دیکھ کر، صرف اس لیے کہ میں ایک اداکارہ ہوں تو معیشت پر اور سیاست پر بات نہیں کرسکتی۔
سینئر اداکارہ نے لکھا کہ خیر خوش رہیں سب، کسی کو کچھ بھی کہنے سے پہلے تھوڑی سی تحقیق کر لینی چاہیے۔
میں بھی ایک عام شہری ہوں میرا بھی دل دکھتا ہے اپنے ملک کے حالات دیکھ کر۔صرف اس لیئے کہ میں ایک اداکارہ ہوں تو معیشت پر اور سیاست پربات نہیں کرسکتی۔خیر خوش رہیں سب۔ کسی کو کچھ بھی کہنے سے پہلے تھوڑی سی تحقیق کر لینی چاہیئے
— Samina Peerzada (@SaminaSays) June 26, 2022
اس سے قبل ثمینہ پیرزادہ نے ملک کی موجودہ سیاسی صورتِ حال پر تبصرہ کیا تھا۔ ان کا کہنا تھا کہ ہر حکومت کو اپنی 5 سالہ مدت پوری کرنی چاہیے اور اس کے بعد نئے عام انتخابات کرائے جانے چاہییں۔
اداکارہ نے کہا تھا کہ ہمیں بحیثیت قوم نظام کو چلنے دینے کے لیے صبر کا مظاہرہ کرنا چاہیے، جمہوریت کو غالب آنے دیں، کبھی بھی نظامِ حکومت کو پٹڑی سے نہ اتاریں چاہے کچھ بھی ہو، اگر کچھ لوگوں سے متفق نہیں ہیں تو انہیں منتخب نہ کریں۔
Every government should complete its 5year tenure and then new elections should be held. We as a nation must have patience to let the system work. Let Democracy prevail. Let’s never derail the system no matter what. If we don’t agree with some people let’s not elect them
— Samina Peerzada (@SaminaSays) March 30, 2022
