پاکستان کی سینئر اداکارہ ثمینہ پیرزادہ سماجی رابطے کی ویب سائٹ ٹوئٹر پر کافی متحرک رہتی ہیں اور ملک کی موجودہ سیاسی صورتِ حال پر اپنے خیالات کا اظہار بھی کرتی ہیں۔
ٹوئٹر پر ثمینہ پیرزادہ نے اپنے حالیہ بیان میں کہا ہے کہ ایک کمیشن ایسا بھی بنایا جائے جو پتا لگائے کہ آج ہم جہاں کھڑے ہیں اس کی شروعات کہاں سے ہوئی۔
سینئر اداکارہ نے لکھا کہ ہم الفاظ کی گراوٹ اور الزام تراشی کی آخری حد تک کیسے پہنچے؟ کردار کشی کی خوانی دلدل میں کب گرے؟
Aik commission aisa bhi banaya Jae jo pata karay keh aaj hum Jahan kharay hain us ki shorooaat Kahan say hui. Hum lafzon ki girawat aur ILzaam tarashi ki aakhri hud tak kaisay pohnchay. Character assassination ki khooni Daldal main kub giray.
— Samina Peerzada (@SaminaSays) April 6, 2022
اس سے قبل ثمینہ پیرزادہ نے ملک کی موجودہ سیاسی صورتِ حال پر تبصرہ کیا تھا۔ ان کا کہنا تھا کہ ہر حکومت کو اپنی 5 سالہ مدت پوری کرنی چاہیے اور اس کے بعد نئے عام انتخابات کرائے جانے چاہییں۔
اداکارہ نے کہا تھا کہ ہمیں بحیثیت قوم نظام کو چلنے دینے کے لیے صبر کا مظاہرہ کرنا چاہیے، جمہوریت کو غالب آنے دیں، کبھی بھی نظامِ حکومت کو پٹڑی سے نہ اتاریں چاہے کچھ بھی ہو، اگر کچھ لوگوں سے متفق نہیں ہیں تو انہیں منتخب نہ کریں۔
Every government should complete its 5year tenure and then new elections should be held. We as a nation must have patience to let the system work. Let Democracy prevail. Let’s never derail the system no matter what. If we don’t agree with some people let’s not elect them
— Samina Peerzada (@SaminaSays) March 30, 2022
ثمینہ پیرزادہ نے وزیر اعظم عمران خان کی حمایت اور ملک کی سلامتی کے لیے دعائیں کی تھیں۔ ٹوئٹر پر انہوں نے لکھا تھا کہ ”اپنے کپتان کو اللہ کی امان میں دیا، مجھے پاکستانی ہونے پر فخر ہے، پاکستان زندہ باد۔“
ثمینہ پیرزادہ نے مزید لکھا تھا کہ سب کے لیے دعائیں ہیں، پاکستان کے لیے دعائیں کہ یہاں جمہور اور جمہوریت سلامت رہے، ہم ہی بدلیں گے پاکستان، تبدیلی کی شروعات کسی ایک شخص سے ہوتی ہے، چلیں پاکستان کو ہر شہری کے لیے محفوظ ملک بنانے کی کوشش کرتے ہیں۔
