لاہور :سمجھوتہ ایکسپریس بحالی کے بعد ایک سوترانوے مسافروں کو لے کربھارت روانہ ہوگئی، سمجھوتہ ایکسپریس میں سترپاکستانی اورسوسے زائد بھارتی مسافرہیں.
بھارت کی جانب سے تین بار روکے جانے کے بعد بالآخر سمجھوتہ ایکسپریس ایک سوترانوے مسافروں کو لے کربھارت روانہ ہوگئی۔ سمجھوتہ ایکسپریس لاہور ریلوے اسٹیشن کے پلیٹ فارم نمبر ایک سے روانہ ہوئی، جو واہگہ ریلوے اسٹیشن پہنچے گی، جہاں کسٹمز و امیگریشن کا عمل مکمل کیا جائے گا۔
یاد رہے کہ بھارتی حکام نے سمجھوتہ ایکسپریس کو پانچ اکتوبر ، آٹھ اکتوبر اور بارہ اکتوبر کو روکا تھا، تقریبا ایک ہفتے قبل بھارت نے انتہا پسند ہندوؤں کے حملے کا بہانہ بنا کرسمجھوتہ ایکسپریس معطل کردی تھی، جس کے باعث سیکڑوں مسافروں کوپریشانی کا سامنا کرنا پڑا۔
سمجھوتہ ایکسپریس کی بندش کی وجہ سے متعدد پاکستانی بھارت میں پھنس گئے تھے، وزیراعظم نوازشریف نے سمجھوتہ ایکسپریس کی بندش کا نوٹس لیا، جس کے بعد بھارت نے ٹرین سروس بحال کی۔
