سمجھوتہ ایکسپریس کو آج بھی چلنے کی اجازت نہیں ملی -
The news is by your side.

Advertisement

سمجھوتہ ایکسپریس کو آج بھی چلنے کی اجازت نہیں ملی

لاہور: سمجھوتہ ایکسپریس کو آج بھی چلنےکی اجازت نہیں ملی، ویزے کی معیاد ختم ہونے پرسیکڑوں پاکستانی بھارت میں پھنس گئے ہیں.

بھارت کی جانب سے سمجھوتہ ایکسپریس کی بندش کے بعد بھارت جانے والے پاکستانی شہریوں کے ویزے کی مدت ختم ہوگئی ہے، جس پر ان کے عزیز واقارب میں تشویش کی لہر دوڑ گئی ہے،

سمجھوتہ ایکسپریس کی بندش کے باعث کئی پاکستانی شہریوں کو شدید مشکلات کا سامنا ہے، بھارت پاکستانی شہریوں کو صرف ایک ماہ کے لیے ویزہ جاری کرتا ہے اور جو لوگ بھارت گئے ہیں، ان میں بعض کے ویزے کی معیاد ختم ہوچکی ہے اور متعدد افراد کے ویزے کی معیاد ختم ہونے کے قریب ہے.

بھارت جانے والے پاکستانی شہریوں کے عزیز واقارب نے بھارتی حکومت سے مطالبہ کیا ہے کہ سمجھوتہ ایکسپریس کی بندش کے باعث ویزے کی معیاد میں توسیع کی جائے تاکہ انہیں وہاں کسی مسئلے کا سامنا نہ کرنا پڑا، متاثرہ خاندانوں نے پاکستان حکومت سے مطالبہ کیا ہے کہ سمجھوتہ ایکسپریس کی بحالی کی لیے بھارت سے بات چیت کی جائے اور حکومت فوری طور پر بھارت سے انہیں واپس لانے کے اقدامات کرے۔

Comments

comments

یہ بھی پڑھیں