The news is by your side.

Advertisement

سمجھوتہ ایکسپریس سے تمام پاکستانیوں کو اتارلیا گیا

لاہور: سمجھوتہ ایکسپریس کے ذریعے بھارت جانے والے پاکستانی مسافروں کو واہگہ ریلوے اسٹیشن پر اتار لیا گیا۔

بھارتی انتہا پسند جماعت شیوسینا کی انتہا پسندی نے حد کردی، سمجھوتہ ایکسپریس میں ایک سو چھیانوے مسافر سوار تھے، جن میں سے ستاون پاکستانی مسافروں کو سمجھوتہ ایکسپریس کے ذریعے بھارت جانے سے روک دیا گیا اور تمام مسافروں کو واہگہ ریلوے اسٹیشن پر اتار لیا گیا .

ریلوے ذرائع کے مطابق بھارتی حکام نے کسانوں کے احتجاج کے باعث پاکستانی مسافروں کو بھارت نہ بھیجنے کا پیغام بھیجا تھا۔

بھارتی ریلوے حکام کا کہنا تھا کہ پاکستانی مسافروں پر احتجاج کے دوران حملے کا خدشہ ہے جبکہ ایک سو انتالیس بھارتی مسافروں کو کسٹم کلیئرنس کے بعد بھارت روانہ کردیا گیا ہے.

بھارتی کسان حکومت کی زرعی پالیسیوں کے خلاف احتجاج کررہے ہیں جنھوں نے احتجاجا ریلوے کے مختلف ٹریکس بند کررکھے ہیں، کسانوں کے احتجاج کے باعث بھارت میں بتیس ٹرینیں متاثر ہوئی ہیں.

ذرائع کے مطابق بھارتی حکام نے پاکستانی مسافروں کو بھارت آنے سے عارضی طور پر روکا ہے.

Print Friendly, PDF & Email

Comments

comments

یہ بھی پڑھیں