ویسے تو بڑے برانڈز اپنے کسٹمرز کو متاثر کرنے کے لیے نئے نئے طریقے اپناتے ہیں، لیکن ایک سموسے والے نے بھی اپنے کسٹمرز کو رجھانے کے لیے انوکھا کام کردیا جس سے اس کے کسٹمرز واقعی خوش ہوگئے۔
سوشل میڈیا پر چند دن قبل ایک فاسٹ فوڈ چین کے برگرز کی تصاویر وائرل ہوئی تھی جس میں بن پر کسٹمر کا نام لکھا تھا۔
ایسا ہی ایک انوکھا کام ایک سموسے والے نے بھی کیا ہے جس کی تصویر ٹویٹر پر وائرل ہورہی ہے۔
یہ تصویر 2 سموسوں کی ہے جن میں سے ایک پر آلو اور دوسرے پر نوڈلز لکھا ہے۔
the real food "tech” innovation in bangalore pic.twitter.com/tVfd9Yz0tq
— Shobhit Bakliwal 🦇🔊 (@shobhitic) October 10, 2022
تصویر پوسٹ کرنے والے نے لکھا کہ یہ بنگلور شہر کی ایک دکان سے آرڈر کیے گئے سموسے ہیں، اس دکان پر مکئی، چیز چکن، آلو، اور نوڈلز کے سموسے ملتے ہیں۔
غالباً اسی وجہ سے ان سموسوں پر ان کے اندر موجود اشیا کا نام تحریر کیا گیا تاکہ کھانے والا سموسے بغیر توڑے ہی جان جائے کہ اس کے اندر کیا موجود ہے، علاوہ ازیں دکان کے عملے کو بھی سموسوں میں فرق کرنے میں سہولت ہو۔