The news is by your side.

Advertisement

زہر کی تصدیق، ٹوکسیکالوجی کیلئے سنتھیا رچی کے بلڈ سیمپلز لاہور بھجوا دیئے گئے

اسلام آباد : ڈاکٹرز نے امریکی نژاد خاتون سینتھا رچی کو اسپتال میں مزید زیرعلاج رکھنے کا فیصلہ کرلیا اور ٹوکسیکالوجی کیلئےسنتھیا رچی کے سیمپلز لاہور بھجوا دیئے گئے، جس کے ذریعے جسم میں زہر کی تصدیق کی جائے گی۔

تفصیلات کے مطابق شعبہ میڈیسن کے سنیئر ڈاکٹرز نے امریکی نژاد خاتون سینتھا رچی کا معائنہ کیا ، ذرائع کا کہنا ہے کہ سنتھیا رچی کی صحت کی مجموعی صورتحال بہتر ہے تاہم ڈاکٹرز نے سنتھیا رچی کو اسپتال میں مزید زیرعلاج رکھنےکا فیصلہ کیا ہے۔

ذرائع پولی کلینک نے بتایا کہ سینئرڈاکٹرز کی ہدایت پرسنتھیا رچی کی ادویات میں ردوبدل کردیاگیا جبکہ انھیں اینٹی بائیوٹک انجکشنز تجویز کر دیئے ہیں ، سنتھیا رچی پر غنودگی کے اثرات بدستور برقرار ہیں، اس لیے ان کو میڈیکل آئی سی یو میں رکھا گیا ہے۔

ذرائع کے مطابق ٹوکسیکالوجی کیلئےسنتھیا رچی کے سیمپلز لاہور بھجوا دیئے گئے، ٹوکسیکالوجی رپورٹ آنے میں چند دن لگیں گے، ٹوکسیکالوجی کے ذریعے جسم میں زہر کی تصدیق کی جاتی ہے۔

گذشتہ روز امریکی نژاد سنتھیا رچی اپنے فلیٹ میں بے ہوش پائی گئی تھیں، پولیس کا کہنا تھا کہ ان کو ہمسائے نے فلیٹ میں بے ہوش پایا، اور انھیں اسپتال پہنچایا۔

بعد ازاں امریکی نژاد سنتھیا رچی نے ہوش میں آ کر پولیس کو بیان میں کہا تھا کہ دو بھارتی شہری ان کے اپارٹمنٹ میں آئے تھے، انھوں نے کہا کہ میں پاکستان میں کام نہ کروں، اس کے بعد بھارتی شہریوں نے انھیں کوئی نشہ آور چیز دی۔

Comments

یہ بھی پڑھیں