The news is by your side.

Advertisement

سام سنگ اور آئی فون کا انوکھا تجربہ

واشنگٹن: اسمارٹ فون متعارف کروانے والی کمپنیاں صارفین کی خواہشات کو مدنظر رکھتے ہوئے جدید ٹیکنالوجی کے ساتھ اچھے نت نئے موبائل فون متعارف کروارہی ہیں۔

اسمارٹ فون کی دنیا میں صارفین کو متوجہ کرنے کی جدوجہد میں کمپنیاں ایک دوسرے کو پیچھے چھوڑنے کے لیے نت نئے تجربات کرتی ہیں اور تقریباً سب کا دعویٰ یہی ہوتا ہے کہ اُن کا پروڈیکٹ دیگر کے مقابلے میں بہتر ہے۔

امریکا سے تعلق رکھنے والے صارف نے حال ہی میں دو معروف موبائل فون کمپنیز کے ماڈل کا انوکھا تجربہ کیا اور اس کی ویڈیو بنا کر انٹرنیٹ پر جاری کردی۔

پڑھیں: ’’ آئی فون سیون کا خصوصی سرخ ماڈل ‘‘

صارف نے اپیل کمپنی کے آئی فون سیون اور سام سنگ کے گلیگسی 8 کا تجربہ کرتے ہوئے انہیں ایک برتن میں پانی بھر کے فریزر میں رکھ دیا، اس تجربے کے دوران فریج کا درجہ حرارت منفی 22 رکھا گیا تاکہ پانی ٹھوس ہوکر برف کی صورت اختیار کرجائے۔

تجرباتی ویڈیو دیکھیں:

فریج میں رکھنے کے کچھ دیر بعد جب اُنہیں باہر نکالا گیا تو وہ برف کی تہہ میں موجود تھے اور حرکت کرنے پر آئی فون کی اسکرین پر لائٹ نمودار بھی ہورہی تھی، برف سے موبائل نکالنے کےلیے پہلے ٹھوس پانی کو برتن سے باہر نکالا گیا اور پھر اُسے توڑ کر اندر موجود موبائلز کو باہر نکالا گیا۔

مزید پڑھیں: ’’ آئی فون ’’8‘‘پچھلے تمام ماڈلز کےریکارڈ توڑ سکتا ہے ‘‘

برف سے نکلنے والے موبائل بالکل صحیح تھے اور ٹھیک ٹھاک کام کررہے تھے اور اُن کا اسکرین ٹچ بھی حکم کے مطابق چل رہا تھا۔

نوٹ: آپ یہ تجربہ کرنے کی کوشش نہ کیجئے گا کیونکہ اس صورت میں موبائل ضائع ہونے کا قوی خدشہ ہے۔

Print Friendly, PDF & Email

Comments

comments

یہ بھی پڑھیں