تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ثنا فخر کی والدہ انتقال کرگئیں

کراچی: پاکستانی شوبز انڈسٹری کی معروف اداکارہ ثنا فخر کی والدہ انتقال کرگئیں۔

پاکستانی ڈرامہ اور فلم انڈسٹری کی نامور اداکارہ ثنا فخر کی والدہ دار فانی سے کوچ کرگئیں، ان کی والدہ کی مغفرت کے لیے شوبز شخصیات کی جانب سے تعزیت اور دعائیں کی گئیں۔

اداکارہ نے آج شام فوٹو اور ویڈیو شیئرنگ ایپ انسٹاگرام پر مداحوں کو بتایا کہ ان کی والدہ انتقال کر گئیں۔

انہوں نے والدہ کے ساتھ یادگار تصویر شیئر کرتے ہوئے زندگی اور موت سے متعلق فلسفیانہ بات بھی لکھی اور والدہ کے خالق حقیقی سے جا ملنے پر ان کی مغفرت کی دعائیں بھی کیں۔

ثنا فخر نے لکھا کہ ’موت زندگی کے برعکس نہیں بلکہ اس کا ایک حصہ ہے‘ اور ساتھ ہی لکھا کہ وہ والدہ کو ہمیشہ یاد رکھیں گی۔

واضح رہے کہ ثنا فخر انسٹاگرام پر متحرک رہتی ہیں، والدہ کے انتقال سے دو دن قبل ہی انہوں نے جشن عید میلاد النبی ﷺ کے موقع پر اپنی تصویر شیئر کرتے ہوئے مداحوں کو عید میلاد النبی ﷺ کی مبارک باد پیش کی تھی۔

اس سے قبل انہوں نے شوہر کے ساتھ رومانوی تصویر شیئر کرتے ہوئے ان سے محبت کا اظہار بھی کیا تھا جب کہ وہ سوشل میڈیا پر شوہر سمیت اہل خانہ کی تصاویر اور پوسٹس شیئر کرتی رہتی ہیں۔

ثنا فخر اگرچہ گزشتہ کچھ عرصے سے اسکرین سے دور ہیں، تاہم وہ ٹی وی شوز اور پروگراموں میں بطور مہمان دکھائی دیتی ہیں جب کہ وہ سوشل میڈیا پر بھی متحرک رہتی ہیں۔

ثنا فخر نے 1997 میں فلموں سے کیریئر کا آغاز کیا تھا اور وہ 2000 کی مقبول ہیروئنز میں سے ایک ہیں، انہوں نے فلموں کے ساتھ ساتھ متعدد ڈراموں میں بھی اداکاری کی۔

ثنا فخرنے 2008 میں فخر امام سے شادی کی تھی، وہ دو بچوں کی ماں ہیں۔

Comments

- Advertisement -