شوبز انڈسٹری کی سینئر اداکار فیصل قریشی کی اہلیہ ثنا فیصل نے اداکارہ صبا فیصل کے بیان پر ردعمل دے دیا۔
اداکارہ صبا فیصل حال ہی میں دیے گئے انٹرویو میں کہا تھا کہ اگر بہو 10 منٹ آرام کرنا چاہتی ہے تو اسے اپنی ساس سے اجازت لینا ہوگی، اگر ساس موجود نہ ہو تو وہ بھابھی سے اجازت لے سکتی ہے۔
ان کے اس بیان نے سوشل میڈیا پر نئی بحث چھیڑ دی اور صارفین کے ساتھ اداکاراؤں نے بھی اس پر ردعمل دیا۔
یہ پڑھیں: صبا فیصل کا خوشگوار ازدواجی زندگی کے لیے اہم مشورہ
اب ثنا فیصل نے کسی کا نام لیے بغیر اس پر اپنی رائے کا اظہار کیا ہے۔
انہوں نے کہا کہ اگر آپ بہو سے ایسی چیزوں کا مطالبہ کررہے ہیں تو آپ غیر محفوظ ہیں اور آپ اپنے عدم تحفظ کا اظہار کررہے ہیں۔
ثنا فیصل نے کہا کہ یہ دماغی مسئلہ ہے اور یہ آپ کے خاندان پر طاقت ظاہر کرنے کے لیے ہے۔ انہوں نے خواتین کو مشورہ دیا کہ وہ اپنی بہوؤں کے ساتھ بدسلوکی کا سلسلہ دہرانا بند کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں