پاکستانی ویمنز کرکٹ ٹیم کی سابق کپتان اور کمنٹیٹر ثناء میر نے اپنے خلاف چلنے والے پروپیگنڈے پر ردِعمل کا اظہار کیا ہے۔
سابق کپتان اور کمنٹیٹر ثناء میر کا کہنا تھا کہ یہ افسوسناک ہے کہ معاملات کو بڑھا چڑھا کر پیش کیا جا رہا ہے۔
اُنہوں نے کہا کہ کھیلوں سے وابستہ افراد کو غیر ضروری دباؤ جھیلنا پڑتا ہے، افسوس کی بات ہے کہ اس معاملے پر عوامی سطح پر وضاحت دینا پڑ جاتی ہے۔
سابق کپتان نے کہا کہ پاکستانی کھلاڑی کے آبائی علاقے سے متعلق بات کرنے کا مقصد ان کی مشکلات اور شاندار سفر کو اجاگر کرنا تھا، بطور کمنٹیٹر یہ ہمارے کہانی بیان کرنے کا حصہ ہے کہ کھلاڑی کہاں سے آتے ہیں۔
انہوں نے مزید کہا کہ میں نے 2 اور ریجنز سے تعلق رکھنے والی کھلاڑیوں کا بھی ذکر کیا، اس معاملے کو سیاسی رنگ نہ دیا جائے، میرے دل میں کوئی بغض یا کسی کے جذبات کو ٹھیس پہنچانا مقصد نہیں۔
اس سے قبل انٹرنیشنل کرکٹ کونسل (آئی سی سی) نے کرکٹ کیلیے شاندار خدمات کا اعتراف کرتے ہوئے 2025ء کے ہال آف فیم میں پاکستان کی ثناء میر سمیت 7 کھلاڑیوں کو شامل کرلیا۔
ثناء میر کو کھوئی ہوئی قیمتی چیز واپس مل گئی
ویسٹ انڈیز کے لیجنڈ این بیشپ نے آئی سی سی ہال آف فیم میں شمولیت کیلیے کھلاڑیوں کے ناموں کا اعلان کیا۔
پاکستان ویمنز کرکٹ ٹیم کی سابق کپتان ثناء میر اس فہرست میں شامل ہونے والی پاکستان کی پہلی خاتون اور ملک کی مجموعی طور پر آٹھویں کھلاڑی بن گئی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں