site
stats
انٹرٹینمںٹ

صنم بلوچ نے زندگی کی 31 بہاریں دیکھ لیں

کراچی: اے آر وائی نیوز دی مارننگ شو کی میزبان اور پاکستانی اداکارہ و ماڈل صنم بلوچ نے زندگی کی 31 بہاریں دیکھ لیں۔

تفصیلات کے مطابق 14 جولائی کو 1986 کو پیدا ہونے والی صنم بلوچ نے اپنے فنی کیرئر کا آغاز سندھی ڈراموں سے کیا تاہم انتھک محنت اور صلاحیتوں کی وجہ سے جلد ہی پاکستان کی شوبز انڈسٹری میں جگہ بنانے میں کامیاب ہوئی۔

اے آر وائی نیوز کے ’’دی مارننگ شو‘‘ میں میزبانی کے فرائض انجام دینے کے دوران ضنم بلوچ نے کئی کامیابیاں سمیٹیں، انہوں نے پاکستان کی پہلی شہید خاتون پائلٹ مریم مختار کی زندگی پر بننے والی فلم میں مرکزی کردار ادا کیا۔

مارننگ شو کے علاوہ اداکارہ صنم بلوچ اے آر وائی ڈیجیٹل کے کئی ڈراموں میں کام کرچکی ہیں جبکہ آج کل اُن کا نیا ڈرامہ ’’تیری رضا‘‘ اے آر وائی ڈیجیٹل پر نشر کیا جارہا ہے۔

صنم بلوچ نے اب تک اے آر وائی ڈیجیٹل کے مختلف ڈراموں میرا پیار، ابھی ابھی اور کچھ پیارکا پاگل پن وغیرہ میں اپنی اداکاری کے جوہر دکھائے اور کامیابی کی منازل طے کیں۔

سالگرہ کے موقع پر  اے آر وائی ڈیجیٹل کی جانب سے اداکارہ کو مبارک باد پیش کی گئی جبکہ مداحوں کی جانب سے مبارک باد کے پیغامات کا سلسلہ جاری ہے۔

مداحوں کے پیغامات

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top