The news is by your side.

Advertisement

صنم جنگ نے شوہر سے علیحدگی کی خبروں کو بے بنیاد قرار دے دیا

کراچی: شوبز انڈسٹری کی معروف اداکارہ صنم جنگ نے شوہر سے علیحدگی کی خبروں کو بے بنیاد قرار دے دیا۔

شوبز انڈسٹری کی معروف اداکارہ صنم جنگ نے سماجی رابطے کی ویب سائٹ انسٹاگرام پر شوہر کے ہمراہ تصویر شیئر کرتے ہوئے لکھا کہ ’یہ واضح کرنا چاہتی ہوں کہ قسام  اور میرے بارے میں ان افواہوں کی کوئی حقیقت نہیں ہے کہ میں الگ ہوگئی ہوں۔‘

اداکارہ نے بتایا کہ یہ افواہ میری انسٹا پوسٹ پر شائقین کے تبصرے سے شروع ہوئی اور یہ سراسر مضحکہ خیز ہے، میرا اس قسم کی پوسٹ پر وضاحت دینے کا کوئی ارادہ نہیں تھا لیکن قسام اور میرے اہل خانہ اس پریشانی کے مسئلے پر روزانہ فون کالز کرتے رہے ہیں۔

صنم جنگ نے بتایا کہ وہ اور ان کے شوہر قسام ہنسی خوشی شادی شدہ زندگی گزار رہے ہیں اور اگلے ہفتے شادی کی چھٹی سالگرہ منانے والے ہیں۔

اداکارہ نے لکھا کہ میں واقعی اس کی تعریف کروں گی اگر لوگ ان غلط افواہوں کو شیئر کرنا بند کردیں۔

واضح رہے کہ اس سے قبل اداکارہ صنم جنگ نے سماجی رابطے کی ویب سائٹ انسٹاگرام پر اپنی خوبصورت تصویر شیئر کی جس میں انہوں نے سال نو کے موقع پرمداحوں کو مبارک باد پیش کی۔

اداکارہ کی جانب سے شیئر کی جانے والی تصویر میں دیکھا جاسکتا ہے کہ وہ خوشگوار موڈ میں کافی کا کپ تھامے بیٹھی ہیں۔

 

View this post on Instagram

 

A post shared by Sanam Jung (@jung_sanam)

صنم جنگ کی جانب سے تصویر شیئر کرتے ہی مداحوں نے ان سے شوہر سے علیحدگی سے متعلق تبصرے شروع کردئیے تھے۔

ایک صارف کی جانب سے اداکارہ سے سوال کیا گیا کہ قاسم نے آپ کو طلاق کیوں دی؟ تو صنم جنگ نے ازرا ہ مذاق جواب دیتے ہوئے کہا کہ ’آپ کی وجہ سے۔

واضح رہے کہ صنم جنگ اور ان کے شوہر کے درمیان علیحدگی کی افواہیں سوشل میڈیا پر گردش کررہی تھیں۔

یاد رہے کہ صنم جنگ 2016 میں دیرینہ دوست قسام جعفری سے رشتہ ازدواج میں منسلک ہوئیں، ان کے شوہر پیشے کے اعتبار سے پائلٹ ہیں اور دونوں کی ایک بیٹی ہے جس کا نام الایا جعفری ہے۔

Comments

یہ بھی پڑھیں