جے آئی ٹی سربراہ نے اپنے کزن کی فرم کی خدمات حاصل کیں، وزیراعلیٰ بلوچستان cm
The news is by your side.

Advertisement

رپورٹ کی جلد 10 خفیہ رکھنے پر تحفظات ہیں، وزیراعلیٰ بلوچستان

کوئٹہ: وزیراعلیٰ بلوچستان ثنااللہ زہری نے کہا ہے کہ جے آئی ٹی سربراہ نے اپنے کزن کی فرم کی خدمات حاصل کیں، رپورٹ وزیراعظم کے خلاف سازش ہے، اس رپورٹ کی جلد نمبر 10 کو خفیہ رکھنے کے بجائے سامنے لایا جائے۔

کوئٹہ میں پریس کانفرنس کرتے ہوئے انہوں نے کہا کہ جےآئی ٹی رپورٹ حقائق کے منافی اور وزیراعظم کے خلاف سازش ہے،ہم اداروں میں ٹکراؤ کے خلاف ہیں۔

انہوں نے کہا کہ جے آئی ٹی سربراہ نے اپنے کزن کی فرم کی خدمات حاصل کیں، ایٹمی دھماکے کرنے پر وزیراعظم نواز شریف کو ہٹایا گیا تھا اور اب اقتصادی دھماکے کرنے جارہے ہیں تو پھر سازش کی جارہی ہے۔

ان کا کہنا تھا کہ جمہوری حکومت کو غیر مستحکم کرنا ملک کے مفاد میں نہیں ہوگا، بلوچستان کے عوام اور حکومت کو وزیراعظم کی قیادت پر اعتماد ہے،رپورٹ نامکمل ہے جس پر شور شرابہ سمجھ سے بالاتر ہے، جے آئی ٹی سے متعلق اعتراضات درست ہیں۔

وزیراعلیٰ نے کہا ہے کہ نظام بچانے کےلیے تعمیری سوچ رکھنے والی جماعتوں کو سراہتے ہیں، جے آئی ٹی رپورٹ بددیانتی پر مبنی ہے،بعض عناصر ٹکراؤ کی سیاست چاہتے ہیں، وزیراعظم کی قیادت بلوچستان کے لیے حوصلے کی علامت ہے۔

انہوں نے کہاکہ جے آئی ٹی نے والیم 10 جاری نہیں کیا جس پر تحفظات ہیں،وزیراعظم کے خلاف سازش جمہوریت کو نقصان پہنچانے کے مترادف ہے، احتساب کا کام فرد واحد کا نہیں عوام کا ہے۔

Comments

comments

یہ بھی پڑھیں