گرد کا طوفان: کوئٹہ سے ایران جانے والی مال گاڑی ریت میں دھنس گئی

کوئٹہ: سندھ اور بلوچستان میں گرد آلود ہوائیں چلنے سے پاک ایران ریلوے ٹریک دب گیا، اب تک 2 ٹرینیں ریت میں دھنس چکی ہیں۔

تفصیلات کے مطابق ریلوے حکام کا کہنا ہے کہ گرد آلود ہوائیں چلنے سے پاک ایران ریلوے ٹریک دب گیا، کوئٹہ سے ایران جانے والی ایک اور مال گاڑی ریت میں دھنس چکی ہے۔

ریلوے حکام کا کہنا ہے کہ 9 روز قبل ایران سے کوئٹہ آنے والی مال گاڑی بھی دھنس گئی تھی۔

حکام کے مطابق 10 روز سے پاکستان اور ایران کے درمیان کاروباری سرگرمیاں معطل ہیں، مال گاڑیوں کو نکالنے کے لیے ریسکیو آپریشن تیزی سے جاری ہے، ایران جانے والی ایک مال گاڑی دالبندین ریلوے اسٹیشن پر روک دی گئی ہے۔

Comments