site
stats
عالمی خبریں

سعودی عرب کے متعدد شہر گرد اور دھند کی لپیٹ میں

ریاض : سعودی عرب کے متعدد شہر گرد اور دھند کی لپیٹ ہے،  فضا گردآلود ہوجانے سے ٹریفک کی روانی اور معمولات زندگی بری طرح سے متاثر ہوگئے ہیں، سعودی سول ڈیفنس کا کہناہے کہ گرد آلود موسم آئندہ ہفتے تک رہنے کا امکان ہے۔

تفصیلات کے مطابق سعودی عرب کے متعدد شہر جدہ، مکہ مکرمہ، مدینہ منورہ مدار نامی ریت کے طوفان کی لپیٹ میں ہے، جس کے باعث گرد آلود ہوائیں چل رہی ہیں جبکہ آج صبح سے سعودی عرب کے بیشتر علاقوں میں تیز بارش اور برف باری بھی ہوئی۔

smog-post-1

سعودی دارالحکومت ریاض میں بھی موسم ابر آلود اور تیز ہوائیں چلنے کی اطلاع ہے، دمام میں بارش ہونے سے موسم خوشگوار ہوگیا ہے، بیشتر مقامی اور غیر ملکی اپنے گھروں میں محصور ہو کر رہ گئے ہیں اور مختلف بیماریوں کے باعث اسپتالوں میں ایمرجنسی جیسی صورتحال ہے۔

مدینہ منورہ ریجن، حائل، تبوک، الجوف میں بھی تیز ہوائوں کے ساتھ گرو غبار کا طوفان جاری ہے،  فضا میں ریت ہی ریت پھیلی ہونے سے سینے اور سانس کے امراض میں مبتلا مریضوں کو شدید پریشانی کا سامنا کرنا پڑرہا ہے۔

شہری احتیاطی تدابیر اختیار کریں اور بلا ضرورت گھر سے نہ نکلیں، محکمہ شہری دفاع

محکمہ شہری دفاع نے شہریوں کو خبردار کیا ہے کہ احتیاطی تدابیر اختیار کریں اور بلا ضرورت گھر سے نہ نکلیں، وہ افراد جنہیں سانس کی بیماری ہے وہ خصوصی احتیاط کریں جبکہ ڈرائیور حضرات احتیاطی تدابیر اختیار کریں۔

دوسری جانب وزارت تعلیم نے آج تعلیمی سرگرمیاں معطل کرنے کا اعلان کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top