ریاض: سعودی عرب کے شہر طائف کو خوفناک آندھی نے اپنی لپیٹ میں لے لیا، حکام نے شہریوں کو احتیاط برتنے کی تاکید کردی۔
اردو نیوز کے مطابق سعودی عرب کے شہر طائف میں خوفناک آندھی کی ویڈیو سوشل میڈیا پر وائرل ہورہی ہے جس نے لوگوں کو پریشان کردیا ہے۔
الأرصاد: الظاهرة الجوية المرصودة في الطائف تصنف كإعصار قمعي ولا يتكرر حدوثها بشكل دائم وغالباً ما يرتبط حدوثها بالعواصف الرعدية الشديدة#الإخبارية pic.twitter.com/JrDcCEUecS
— قناة الإخبارية (@alekhbariyatv) March 13, 2023
موسمیات کے قومی مرکز کے ترجمان حسین القحطانی کا کہنا ہے کہ اس قسم کی آندھی معمول کی بات نہیں، یہ تباہ کن آندھی کبھی کبھار آتی ہے۔
انہوں نے کہا کہ جب بھی اس قسم کی آندھی آتی ہے اس کے ساتھ شدید گرج چمک بھی ہوتی ہے، اس کا دائرہ محدود ہوتا ہے اور یہ کم وقت میں ختم ہوجاتی ہے۔
ترجمان کا مزید کہنا تھا کہ گزشتہ برسوں کے دوران مملکت میں اس قسم کی آندھی کئی مرتبہ دیکھنے میں آئی ہے۔
موسمیات کے مرکز کی جانب سے لوگوں کو ہدایت کی گئی کہ وہ آندھی کے دوران اس کے قریب نہ جائیں اور تمام احتیاطی تدابیر کا خیال رکھیں۔