The news is by your side.

Advertisement

سنگیتا آپا کی بیٹی کی شادی میں کیا کیا ہوا ؟؟ جانیے ان کی زبانی

کراچی : پاکستان فلم انڈسٹری کی ہدایت کارہ اور ماضی کی معروف ہیروئن سنگیتا نے اپنی بیٹی کی شادی بہت دھوم دھام سے کی تھی جس میں ملک کے نامور اداکاروں نے شرکت کی اور دلہن کو اپنی دعاؤں میں رخصت کیا۔

اے آر وائی ڈیجیٹل کے پروگرام گڈ مارننگ پاکستان میں سنگیتا آپا نے اپنی بیٹی کی شادی کی یادوں سے متعلق باتوں کو ناظرین سے شیئر کیا۔

انہوں نے بتایا کہ میری تین بیٹیاں ہیں، دوسری بیٹی کی شادی سولہ سال پہلے کی تھی جب وہ خود سولہویں سال میں تھی اور تقریب میں تین سو لوگوں کو مدعو کیا گیا تھا لیکن سات سو لوگ ہوگئے پھر میں نے کھانے کا مزید انتظام کیا تھا۔

سنگیتا آپا نے بتایا کہ شادی کے سارے انتظامات میں نے خود کروائے تھے اور کھانے میں 21قسم کی ڈشز تیار کی گئی تھیں، مایوں دو اور مہندی ایک کی تھی، بارات میں دولہا گھوڑے پر آیا تھا۔

بیٹی کی رخصتی کے بعد کا ذکر کرتے ہوئے سنگیتا آپا جذباتی ہوگئیں اور بتایا کہ سب مہمانوں کے جانے کے بعد  گھر اکیلا سا لگ رہا تھا اور بیٹی کی گزری ہوئی باتیں بار بار یاد آرہی تھیں۔

Comments

یہ بھی پڑھیں