سندھ کے شہر سانگھڑ میں ورثا نے مبینہ طور پر 15 سالہ لڑکی کو قتل کرکے گھر میں دفن کردیا۔
اے آر وائی نیوز کے مطابق افسوسناک واقعہ سانگھڑ کے جھول تھانے کی حدود میں پیش آیا، مقتولہ لڑکی کے والدین ودیگر ورثا گھر خالی کرکے فرار ہوگئے۔
ایس ایچ او کا کہنا ہے کہ لگتا ہے کہ لڑکی کو ایک ہفتے قبل گلا گھونٹ کر مارا گیا ہے۔
پولیس حکام کا کہنا ہے کہ لڑکی کی گھر میں دفن کی گئی لاش کو برآمد کرکے پوسٹ مارٹم کے لیے اسپتال منتقل کردیا گیا ہے۔
تفتیشی حکام کے مطابق واقعہ ایک ہفتہ پرانا ہے لیکن لڑکی کے رشتے دار نے آج اطلاع دی، مقتولہ کے والد کا فون نمبر بند ہے جنہیں تلاش کیا جارہا ہے۔
گزشتہ سال نومبر میں سانگھڑ کے سنجھورو تھانے کی حدود گوٹھ کریم ڈنو وسان میں افسوسناک واقعہ پیش آیا تھا، پولیس کا کہنا تھا کہ سفاک بیٹے نے والدہ کو قتل کرکے لاش گھر میں ہی دفن کردی۔
پولیس کا کہنا تھا کہ مبینہ قاتل بیٹے عبدالرحمان لغاری کو گرفتار کرلیا گیا ہے۔ تفتیشی حکام کا کہنا تھا کہ بیٹے نے 60 سال کی والدہ کے ہاتھ، پاؤں باندھ کر قتل کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں