اسلام آباد : انسداددہشت گردی عدالت نے پی ٹی آئی رہنماؤں عمر ایوب اور زرتاج گل کا پاسپورٹ بلاک کرنے کا حکم دے دیا اور شیخ وقاص اکرم کے وارنٹ گرفتاری جاری کردیے۔
تفصیلات کے مطابق انسداددہشت گردی عدالت اسلام آباد میں پی ٹی آئی رہنماؤں کیخلاف سنگجانی جلسہ کیس کی سماعت ہوئی۔
انسداددہشت گردی عدالت کے جج طاہر عباس سپرا نے کیس پر سماعت کی ، عدالت نے شیخ وقاص اکرم کے وارنٹ گرفتاری جاری کردیے، مسلسل عدم حاضری پر وارنٹ گرفتاری جاری کیے گئے۔
عدالت نے عمر ایوب اور زرتاج گل کا پاسپورٹ بلاک کرنے کا بھی حکم دیتے ہوئے پاسپورٹ بلاک کرکے رپورٹ پیش کرنے کی ہدایت کردی۔
بعد ازاں عدالت نے سنگجانی جلسہ کیس کی مزید سماعت 3 دسمبر تک ملتوی کر دی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں