نئی دہلی: بھارتی ٹینس اسٹار اور قومی کرکٹر شعیب ملک کی اہلیہ ثانیہ مرزا نے بیٹے اذہان ملک کے ہمراہ نئی تصویر شیئر کردی۔
تفصیلات کے مطابق بھارتی ٹینس اسٹار ثانیہ مرزا نے سماجی رابطے کی ویب سائٹ انسٹاگرام پر بیٹے اذہان ملک کے ہمراہ نئی تصویر شیئر کی اور بتایا کہ ان کی زندگی کی سب سے خوشگوار جگہ ان کا گھر ہے۔
تصویر میں دیکھا جاسکتا ہے کہ ثانیہ مرزا اذہان کو گود میں لے کر بیٹھی ہوئی ہیں اور انہوں نے اذہان کے بالوں میں ایک چھوٹی پونی بھی باندھی ہوئی ہے۔
تصویر کے کیپشن میں ثانیہ مرزا نے اپنے بیٹے کو ٹیگ کرتے ہوئے لکھا کہ ’میری خوشگوار جگہ۔‘
ٹینس اسٹار کے اس کیپشن سے اندازہ لگایا جاسکتا ہے کہ عالمی وبا کرونا کے باعث وہ خود ساختہ تنہائی اختیار کرکے گھر میں بیٹے کے ساتھ وقت گزار رہی ہیں۔
واضح رہے کہ اس سے قبل بھی ثانیہ مرزا نے عید کے پرمسرت موقع پر ایک تصویر شیئر کی تھی جسے مداحوں کی جانب پسند کیا گیا تھا۔