نئی دہلی: ٹینس اسٹار ثانیہ مرزا کی بہن بھارتی کرکٹ ٹیم کے سابق کپتان اظہر الدین کے صاحبزادے کے ساتھ رشتہ ازدواج میں منسلک ہوگئیں۔
بھارتی میڈیا رپورٹس کے مطابق قومی کرکٹ ٹیم کے سابق کپتان شعیب ملک کی سالی انعم مرزا کی شادی گزشتہ روز منعقد ہوئی، تقریب کی تصاویر سوشل میڈیا پر وائرل ہوگئیں۔
ٹینس اسٹار ثانیہ مرزا نے بھی بہن کی تصاویر شیئر کیں اور گزشتہ دنوں انہوں نے شادی کے حوالے سے بھی تصدیق کی تھی البتہ لڑکے کا نام نہیں بتایا تھا۔
میڈیا رپورٹ کے مطابق شادی کی تقریب کو بہت ہی مختصر رکھا گیا جس میں منتخب افراد نے شرکت کی۔ انعم مرزا نے خود بھی اپنے انسٹاگرام اکاؤنٹ پر تصویر شیئر کی اور خوشی کا اظہار کیا۔
دوسری جانب بھارتی کرکٹ ٹیم کے سابق کپتان اظہر الدین کے صاحبزادے اسد نے بھی سماجی رابطے کی ویب سائٹ پر تصویر شیئر کرتے ہوئے لکھا کہ ’مجھے میری محبت مل گئی‘۔
View this post on Instagram
Mr and Mrs 🥳 #alhamdulillahforeverything #AbBasAnamHi 📷 @weddingsbykishor @daaemi
قبل ازیں ثانیہ مرزا نے بھی اپنے انسٹاگرام اکاؤنٹ پر مہندی کی تقریب کی تصویر شیئر کی تھی جس میں اُن کے صاحبزادے، والد، والدہ اور دلہن (بہن) موجود تھیں۔