اسلام آباد: وزیر اعظم کی معاون خصوصی ڈاکٹر ثانیہ نشتر کی ورلڈ بینک کے ریجنل نائب صدر برائے جنوبی ایشیا سے ملاقات ہوئی جس میں احساس پروگرام کے مختلف شعبوں پر گفتگو ہوئی۔
تفصیلات کے مطابق وزیر اعظم عمران کی معاون خصوصی برائے انسداد غربت ڈاکٹر ثانیہ نشتر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ کل ورلڈ بینک کے ریجنل نائب صدر برائے جنوبی ایشیا سے ملاقات ہوئی۔
اپنے ٹویٹ میں ڈاکٹر ثانیہ نشتر نے لکھا کہ ملاقات کے بعد سماجی تحفظ و تخفیف غربت ڈویژن میں ٹیم کے ساتھ احساس ڈیلیوری یونٹ کی کارکردگی پر گفتگو ہوئی۔
انہوں نے لکھا کہ احساس ریڑھی بان اقدام اور ایم ڈی یوٹیلٹی اسٹورز کے ہمراہ احساس ٹارگٹڈ سبسڈی پر بھی جامع نشستیں ہوئیں۔
کل عالمی بینک کے ریجنل نائب صدر برائے جنوبی ایشیاء کے ساتھ ملاقات کے بعد سماجی تحفظ و تخفیف غربت ڈویژن میں ٹیم کے ساتھ احساس ڈیلیوری یونٹ کی کارکرگی پر، احساس ریڑھی بان اقدام پر اور ایم ڈی یوٹیلٹی سٹورز کے ہمراہ احساس ٹارگٹڈ سبسڈی پر جامع نشستیں ہوئیں۔ pic.twitter.com/iKAqZ36V8O
— Sania Nishtar (@SaniaNishtar) August 5, 2021
