کراچی: تحریک انصاف کے چیئرمین عمران خان نے کہا ہے کہ سانحہ بلدیہ میں ملوث لوگ انسانیت کے مجرم ہیں، یہ کیس فوجی عدالت میں چلایا جائے، جنوری میں کراچی میں کلین اپ مہم چلاؤں گا۔
کراچی میں بزنس کمیونٹی سے خطاب کرتے ہوئے عمران خان نے کراچی کے حقوق کے لیے جدوجہد کا اعلان کر دیا اور کہا کہ سانحہ بلدیہ بہت بڑا جرم تھا، اس کیس کی سماعت فوجی عدالت میں کی جائے، اس سانحے میں ملوث افراد کو کسی صورت نہ چھوڑا جائے یہ لوگ انسانیت کے مجرم ہیں۔
اسی سے متعلق: پاناما کیس کی کامیابی کے بعد بار بار سندھ آؤں گا، عمران خان
انہوں نے اعلان کیا کہ وہ جنوری میں شہر قائد میں کلین کراچی مہم چلائیں گے تاکہ کراچی کو صاف ستھرا کیا جاسکے۔
عمران خان نے پاناما کیس میں بنچ کے سامنے نئی چیزیں پیش کرنے کا اشارہ دے دیا کہتے ہیں کہ پاناما کیس میں نئے شواہد سے لیس ہوں گے۔
یہ پڑھیں: کراچی: عمران خان نے شوکت خانم اسپتال کا سنگ بنیاد رکھ دیا
دریں اثنا عمران خان سے سینئر سیاست دان ممتاز بھٹو نے ملاقات کی جس میں سندھ کی سیاسی صورتحال پر بات چیت کی گئی۔ قبل انہوں نے انصاف ہاؤس میں پریس کانفرنس بھی کی، آج ان کے کراچی کے دورے کا آخری دن تھا۔
