لاہورخود کش حملہ: جاں بحق افراد کی تعداد پندرہ ہوگئی -
The news is by your side.

Advertisement

لاہورخود کش حملہ: جاں بحق افراد کی تعداد پندرہ ہوگئی

لاہور، پنجاب اسمبلی کے سامنے تیرہ فروری کو ہونے والے خود کش دھماکے میں ہلاک ہونے والوں کی تعداد پندرہ ہوگئی، سانحہ کا ایک اور زخمی دوران علاج دم توڑ گیا، دیگر کچھ زخمیوں کی حالت بھی تشویشناک ہے۔

تفصیلات کے مطابق تیرہ فروری بروز پیر کو ہونے والے لاہور چیئرنگ کراس مال روڈ پر ہونے والے خود کش دھماکے کے سبب ڈی آئی جی ٹریفک اور ایس ایس پی سمیت 13 افراد شہید اور ستر سے زائد افراد زخمی ہوگئے تھے۔

متعدد زخمیوں کی حالت اب بھی تشویشناک ہے جس کے باعث ہلاکتوں میں مزید اضافے کا خدشہ ہے۔

مزید پڑھیں :لاہور دھماکا: ڈی آئی جی ٹریفک اور ایس ایس پی سمیت 13 شہید، 70 زخمی

تازہ ترین ملنے والی اطلاعات میں بتایا گیا ہے کہ سانحہ کے بعد زخمی ہونے والے افراد میں سے ایک اور شدید زخمی شخص آج دوپہر دوران علاج زخموں کی تاب نہ لاتے ہوئے جاں بحق ہوگیا، جس کے بعد سانحہ میں شہید ہونے والوں کی تعداد پندرہ تک جا پہنچی ہے۔

مزید پڑھیں: سانحہ لاہور: خود کش بمبار کو لانے والا ملزم گرفتار کرلیا، شہباز شریف

اس سے قبل بھی ایک زخمی کے جاں بحق ہونے کی اطلاع تھی۔ یاد رہے کہ خفیہ اداروں کی جانب سے لاہور میں دہشت گردی کی کارروائی کی پیشگی اطلاع دے دی گئی تھی، سیکیورٹی اداروں نے اسپتالوں، اسکولوں اور اہم مقامات پرحملے کا خدشہ ظاہر کرتے ہوئے شہر بھر میں سیکیورٹی سخت کرنے کی سفارش بھی کی تھی۔

مزید پڑھیں : لاہور دھماکے کی پیشگی اطلاع دے دی گئی تھی

 

Comments

comments

یہ بھی پڑھیں