سانحہ منیٰ میں پاکستانی شہداء کی تعداد95ہوگئی، 40 کی تلاش جاری -
The news is by your side.

Advertisement

سانحہ منیٰ میں پاکستانی شہداء کی تعداد95ہوگئی، 40 کی تلاش جاری

اسلام آباد : سانحہ منیٰ میں پاکستانی شہداءکی تعداد پچانوے تک جا پہنچی۔ جبکہ چالیس لاپتہ حجاج کی تلاش کیلئے کوششیں جاری ہیں۔

تفصیلات کے مطابق رواں سال حج پر ہونے والے دوسرے دل دہلادینے والے حادثے میں شہداء کی تعدادمیں مسلسل اضافہ ہورہا ہے تو لاپتہ افراد کے اہل خانہ اچھی یا بُری خبر کے انتظار کی سولی پر لٹکے ہوئے ہیں۔

سانحہ منیٰ میں پشاور کے رہائشی حاجی ثلاوت خان کی شہادت کی تصدیق ہوگئی، لاپتہ ہونے والے پشاوربخشی پل کے رہائشی حاجی ثلاوت خان کی شہادت کی تصدیق ان کے بیٹے نے کی۔

لاپتہ مزید چالیس پاکستانی حجاج کرام کی تلاش جاری ہے۔ واقعے میں سینتالیس پاکستانی زخمی ہوئے جن میں سے بیالیس کو طبی امداد کے بعد فارغ کردیاگیا جبکہ پانچ مکہ اورجدہ کے اسپتالوں میں زیرعلاج ہیں۔

وزارت مذہبی امور کا کہنا ہے کہ سعودی عرب میں مقیم نو پاکستانی بھی سانحہ کے بعد تاحال لاپتہ ہیں۔ لاپتہ حاجیوں کے اہلخانہ غم سے نڈھال ہیں۔

انہوں نےحکومت سے لاپتہ حجاج کوجلدازجلد تلاش کرنے کی اپیل کی ہے۔ دوسری جانب پاکستان میں متعین سعودی سفیر کا کہنا ہے کہ منٰی حادثہ میں سات سو ساٹھ کے لگ بھگ شہادتیں ہوئیں۔

سعودی عرب کو شہداء کی تعداد چھپانے میں کوئی دلچسپی نہیں ہے، منیٰ حادثے کی تحقیقات جاری ہیں۔ تحقیقات کے نتائج جلد سامنے آئیں گے۔

Comments

comments

یہ بھی پڑھیں