The news is by your side.

Advertisement

سانحہ اورنگی شہید سات پولیس اہلکاروں کی نمازجنازہ و تدفین

کراچی : گزشتہ روز کراچی کے علاقے اورنگی ٹاؤن میں فائرنگ سے شہید ہونے والے سات پولیس اہلکاروں کی نماز جنازہ اداکردی گئی۔ شہید پولیس اہلکاروں میں پانچ کی تدفین ان کے آبائی علاقوں میں کر دی گئی۔

تفصیلات کے مطابق کراچی میں انسداد پولیو مہم ٹیم کی سیکیورٹی پرڈیوٹی کے دوران شہید ہونے والے سات پولیس اہلکاروں کی نماز جنازہ ادا کی گئی۔ گئی۔

نمازجنازہ میں کورکمانڈر کراچی، ڈی جی رینجرز، وزیراعلیٰ، آئی جی سندھ اور صوبائی وزیرداخلہ نےشرکت کی۔ پولیس اہلکاروں کی میتیں ان کےآبائی علاقوں کو روانہ کردی گئیں جہاں انہیں سپردخاک کردیاگیا۔

تین شہید پولیس اہلکاروں کی نمازجنازہ گھوٹکی میں اداکی گئی جس میں شہیداہلکاروں کےعزیزواقارب، سماجی رہنماؤں اورشہریوں کی بڑی شریک ہوئی بعد میں انہیں آہوں اور سسکیوں میں سپردخاک کردیاگیا۔

سانگھڑ کے یاسین ہنگوروکی تدفین نمازجنازہ کے بعد ان کے آبائی گاؤں گوٹھ یوسف ہنگورو میں کی گئی۔ نمازجنازه میں ایس ایس پی ڈاکٹر فرخ لنجار نے شرکت کی۔ پولیس کے چاق و چوبند دستے نے قبر پر سلامی دی۔

یاد رہے کہ نمازجنازه میں کسی سیاسی رہنماء اورمنتخب نمائندے نے شرکت نہیں کی۔ بدنصیب یاسین ہنگورو کی کچھ روز بعد شادی ہونا تھی۔ خوشاب کے شہید اہلکاررستم خان کی نمازجنازہ جبی میں اداکردی گئی۔ نمازجنازہ میں رشتےدار اور شہری بڑی تعدادمیں شریک ہوئے۔

 

Print Friendly, PDF & Email

Comments

comments

یہ بھی پڑھیں