منگل, فروری 18, 2025
اشتہار

سڑک پر جھاڑو لگاتی سینیٹری ورکر بس کی ٹکر سے ہلاک، ویڈیو وائرل

اشتہار

حیرت انگیز

حیدرآباد میں سڑک کے کنارے جھاڑو لگاتی ہوئی سینیٹری ورکر بس کی ٹکر سے ہلاک ہوگئی، خاتون رام کوٹ کے علاقے میں فٹ پاتھ پر جھاڑو لگا رہی تھی۔

غیرملکی میڈیا رپورٹس کے مطابق بھارتی ریاست تلنگانہ کے شہر حیدرآباد میں فٹ پاتھ کی صفائی کرتی ہوئی ایک خاتون سینیٹری ورکر کو نجی بس نے ٹکر ماری جس سے وہ جاں بحق ہوگئی، یہ واقعہ صبح تقریباً 7:30 بجے کے قریب پیش آیا۔

جاں بحق ہونے والی عورت کی شناخت سنیتا کے نام سے ہوئی ہے جس کی عمر 35 سال ہے اور وہ گریٹر حیدرآباد میونسپل کارپوریشن میں ملازم تھی۔

ویڈیو میں دیکھا جاسکتا ہے کہ سنیتا روڈ کی صفائی کررہی ہے اس دوران سڑک سے ایک بس تیزی سے گزر جاتی ہے، اس کے فوراً بعد ہی ایک دوسری بس خاتون کو شدت سے ٹکر مارتی ہے اور درخت سے ٹکرا کر رک جاتی ہے۔

جی ایچ ایم سی کے حکام نے بتایا کہ خاتون روڈ کی صفائی کررہی تھی کہ ایان انسٹیٹیوٹ آف میڈیکل سائنسز کی بس نے اسے ٹکر ماری جس سے اسے شدید چوٹیں آئیں، خاتون کو اسپتال منتقل کیا مگر وہ جانبر نہ ہوسکی۔

واقعے کی سی سی ٹی وی فوٹیج سوشل میڈیا پر وائرل ہوگئی ہے، بس ڈرائیور کی تیز رفتاری اور لاپروائی برتنے کے باعث یہ حادثہ پیش آیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں