کمسن بچے کو صفائی کرنے والے شخص نے گاڑی کی زد میں آنے سے بچالیا جس کی ویڈیو سوشل میڈیا پر وائرل ہوگئی۔
مذکورہ ویڈیو سابق باسکٹ بال کھلاڑی ریکس چیمپین کی جانب سے سماجی رابطے کی ویب سائٹ ٹویٹر پر شیئر کی گئی انہوں نے لکھا کہ اگر آپ نے ایک صفائی کرنے والے شخص کو ایک چھوٹے بچے کی جان بچاتے دیکھنا ہے تو اسکرول کریں۔
ویڈیو میں دیکھا جاسکتا ہے کہ بچہ گھر سے باہر نکل کر ٹرک کے پاس جاکر کھڑا ہوگیا اور اچانک ہی اس نے دوڑ لگادی، سینی ٹیشن ورکر نے بچے کو پکڑ کر روک لیا اتنے میں ایک تیز رفتار کار وہاں سے گزر گئی۔
ویڈیو کو اب تک 1.3 ملین سے زائد صارفین دیکھ چکے ہیں، اور صارفین کی جانب سے سینی ٹیشن ورکر کو ہیرو قرار دیا جارہا ہے۔
If you’ve already seen a sanitation worker save a little boy’s life today just keep on scrolling… pic.twitter.com/lVG44aSnco
— Rex Chapman🏇🏼 (@RexChapman) September 5, 2021
ایک صارف نے لکھا کہ ’اس نے بچے کی جان بچائی اور دوسرا یہ کہ ڈرائیور کو زندگی بھر کے افسوس سے بچایا، یہ ڈرائیور کی غلطی نہ بھی ہوتی لیکن جرم پھر بھی ہوتا، بچے کو بچانے والا ملازم ہیرو ہے۔‘
ایک اور صارف نے لکھا کہ ’میں ہمیشہ صفائی ستھرائی کے کارکنوں کو دیکھ کر ان کا احترام کرنے کی کوشش کرتا ہوں، آپ لوگ عزت کے مستحق ہیں۔‘
بعدازاں بچے کے اہلخانہ نے صفائی کرنے والے کارکن جوناتھن ڈاس سانٹوس سے ملاقات کی اور بچے کی جان بچانے پر اس کا شکریہ ادا کیا۔