کرا چی : عالمی ادارہ صحت کی جانب سے جناح انٹر نیشنل ایئرپورٹ کے لئے 2 جدید سیناٹائیز مشینوں کا تحفہ دیا گیا ہے۔
اس حوالے سے چیف آپریٹننگ آفیسر عمران خان کا کہنا ہے کہ تحفے میں دی گئی جدید سینٹائیزر مشینیں کراچی ایئرپورٹ پر نصب کردی گئی ہیں۔
سی او او نے اے آر وائی نیوز کو بتایا کہ مذکورہ سیناٹائیز مشینیں بین الا قوامی اور ڈومیسٹک ڈیپارچر لاؤنج میں نصب کی گئیں ہیں۔
انہوں نے بتایا کہ یہ مشینیں عالمی ادارہ صحت (ڈبلیو ایچ او) کی جانب سے کراچی ایئرپورٹ کو تحفہ کے طور پر دی گئیں ہیں، ان مشینوں کے نصب ہونے سے مسافروں نے سیناٹائزر کی سہولت میسر ہوگی۔
سی اے اے ذرائع کے مطابق ڈبلیو ایچ او کی جانب سے کراچی ایئرپورٹ کیلئے مزید دو جدید سینا ٹائزر مشینیں بھی دی جائیں گی، عالمی ادارہ صحت کی جانب سے اسلام آباد اور پشاور ائیرپورٹ پر بھی سینا ٹائزر مشینیں نصب کی گئیں ہیں۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں