پاکستان کے مایہ ناز اسپنر اور "دوسرا” کے موجد ثقلین مشتاق کی بیٹی نے ان کا میک اپ کردیا، لپ سٹک اور سرخ بالوں کی وگ لگا کر آنکھوں پر نیلا آئی شیڈو لگا دیا۔
تفصیلات کے مطابق سابق پاکستانی ٹیسٹ کرکٹر ثقلین مشتاق نے قرنطینہ کے دوران سماجی رابطے کی ویب سائٹ ٹویٹر پر ایک ویڈو شیئر کی جسے دیکھ کر ان کو پہچاننا ناممکن ہوگیا۔ دراصل ثقلین مشاق کا یہ حلیہ ان کی میک اپ کی شوقین بیٹی نے بنایا ہے۔
ویڈیو میں ثقلین مشتاق نے وگ پہنی ہوئی ہے اور اپنی بیٹی کے ساتھ بیٹھے ہیں، جس نے شرما کر اپنا چہرہ چھپا رکھا ہے، ثقلین مشتاق بتاتے ہیں کہ میری بیٹی میک اپ آرٹسٹ ہے اور اس نے میرا یہ گیٹ اپ بنایا ہے, ثقلین مشتاق نے اپنی اس ننھی میک اپ آرٹسٹ کا تعارف کرایا تو شائقین نے اس کاوش کی بھرپور پذیرائی کی۔
Stay safe, stay at home with your loved ones and enjoy our clip ❤️ pic.twitter.com/iFPP7p6ce2
— Saqlain Mushtaq (@Saqlain_Mushtaq) April 6, 2020
ویڈیو میں دیکھا جاسکتا ہے کہ ثقلین مشتاق کی بیٹی نے والد کا گیٹ اپ بدل کر رکھ دیا، بیٹی نے والد کے ہونٹوں پر گلابی لپ اسٹک، سر پر سرخ بالوں کی وگ اور اوپر سے آنکھوں پر نیلا آئی شیڈو بھی لگا دیا, ویڈیو کے اوپر اگر ٹویٹ کرنے والے کا نام نہ لکھا ہوتا تو پہچاننا مشکل ہوجاتا کہ یہ سابق پاکستانی ٹیسٹ کرکٹر ثقلین مشتاق ہیں۔
سابق کرکٹر نے اپنی اس حالت کی ذمہ داراپنی بیٹی کو قرار دیتے ہوئے کہا کہ ہم اس وقت قرنطینہ میں ہیں اور میرا یہ حلیہ اس میک اپ آرٹسٹ نے کیا ہے۔
انہوں نے کہا کہ میں اپنی یہ ویڈیو ٹوئٹر پر شیئر کررہا ہوں امید ہے آپ کو پسند آئے گی۔ ثقلین مشتاق نے کہا کہ اس نے مجھے زبردستی کہا کہ میرے ساتھ کھیلنا چاہتی ہے اور اب میرا میک اپ کرکے بہت خوش ہے۔
واضح رہے کہ کرونا وائرس کے باعث پوری دنیا میں خوف کا عالم ہےاور حکومتی ہدایات پر لوگوں نےخود کو گھروں تک محدود کرلیا ہے۔
اس حوالے سے فنکاروں اور کھلاڑیوں نے سوشل میڈیا پر لوگوں کو بھی احتیاطی تدابیر کے طور پر گھروں میں بند رہنے کی تاکید کی اس کے علاوہ فنکار و کھلاڑی سوشل میڈیا پر اپنی سرگرمیوں کی دلچسپ ویڈیوز بھی شیئر کررہے ہیں۔