بالی ووڈ اداکارہ سارہ علی خان والدہ کا کون سا کردار ادا کرنے کی خواہشمند؟
The news is by your side.

Advertisement

بالی ووڈ اداکارہ سارہ علی خان والدہ کا کون سا کردار ادا کرنے کی خواہشمند؟

ممبئی: بالی ووڈ اداکارہ سارہ علی خان نے کہا ہے کہ والدہ امریتا سنگھ نے جو کردار ادا کیے ہیں وہ شاید نہ کرپائیں لیکن دو کردار ایسے ہیں جو وہ ادا کرنے کی خواہش مند ہیں۔

بھارتی میڈیا رپورٹس کے مطابق ایک انٹرویو کے دوران اداکارہ سارہ علی خان کا کہنا تھا کہ میں نہیں سمجھتی کہ ایسا کوئی کردار ادا کرسکتی ہوں جو والدہ نے ادا کیا ہے لیکن کبھی ان کے کردار کو دہرانے کا موقع ملا تو فلم ’چمیلی کی شادی‘ میں ان کے کردار کو نبھانا پسند کروں گی۔

سارہ علی خان کا کہنا تھا کہ فلم ’بے تاب‘ میں والدہ امریتا سنگھ نے معصومانہ کردار ادا کیا تھا جو مجھے بہت پسند ہے اس کے علاوہ فلم ’آئینہ‘ کا ری میک بنا تو ان کا کردار اد کرنا پسند کروں گی۔

بالی ووڈ اداکارہ کے مطابق والدہ امریتا سنگھ کو فلم ’آئینہ‘ میں مختصر کردار ادا کرنے کے باوجود ایوارڈ کی حق دار قرار پائی تھیں، انہوں نے یہ کردار بہت اچھی طرح نبھایا تھا۔

مزید پڑھیں: جھانوی کے مقابلے میں سارہ علی خان کی مقبولیت سے بونی کپور پریشان

واضح رہے کہ سارہ علی خان کی والدہ امریتا سنگھ آخری بار 2014 میں ریلیز ہونے والی عالیہ بھٹ اور ارجن کپور کی فلم ’ٹو اسٹیٹس‘ میں ارجن کپور کی والدہ کا کردار ادا کیا تھا۔

یاد رہے کہ سارہ علی خان کی دو فلمیں کیدرناتھ اور سمبا باکس آفس پر کامیاب ثابت ہوئی ہیں، کیدرناتھ میں سارہ کے ساتھ سشانت سنگھ راجپوت جبکہ سمبا میں رنویر سنگھ نے مرکزی کردار ادا کیا تھا۔

سارہ علی خان کو ابتدائی دو فلموں کی کامیابی کے بعد تیسری فلم میں ٹائیگر شیروف کے ساتھ مرکزی کردار ادا کرنے کی پیش کش کی گئی ہے۔

یہ پڑھیں: بالی ووڈ اداکارہ سارہ علی خان مٹھائی بانٹنے مندر پہنچ گئیں

ہدایت کار ساجد نڈیاڈ والا نے فلم باغی کے تیسرے سیکوئل کے لیے سارہ علی خان کو منتخب کیا ہے، فلم باغی کے پہلے سیزن میں اداکارہ شردھا کپور نے اداکاری کے جوہر دکھائے تھے جبکہ دوسرے سیکوئل میں اداکارہ دیشا پٹانی نے مرکزی کردار ادا کیا تھا۔

Comments

comments

یہ بھی پڑھیں