site
stats
انٹرٹینمںٹ

’ہندی میڈیم‘ سارہ علی عرفان خان کی بیٹی بنیں گی

ممبئی: بالی ووڈ فلم ’ہندی میڈیم‘ کا سیکوئل بنانے کی تیاریاں اپنے آخری مراحل میں داخل ہوگئیں، ہدایت کار کی جانب سے ابھی تک مرکزی کردار کے لیے کسی اداکارہ کو منتخب نہیں کیا گیا تاہم سیف علی خان کی صاحبزادی عرفان خان کی بیٹی کا کردار ادا کرتی نظر آئیں گی۔

تفصیلات کے مطابق گزشتہ برس ریلیز ہونے والی ’ہندی میڈیم‘ میں پاکستانی اداکارہ صبر قمر اور عرفان خان مرکزی کردار ادا کرتے نظر آئے تھے، فلم نے باکس آفس پر تو کوئی خاطر خواہ کاروبار نہیں کیا البتہ فلم فیئر ایوارڈ میں اسے بہترین فلم قرار دیا گیا جبکہ عرفان خان نے سال کے بہترین اداکار کا ایوارڈ بھی اسی کی وجہ سے حاصل کیا۔

بھارتی میڈیا کے مطابق ہندی میڈیم کا سیکوئل بنانے کی تیاریاں آخری مراحل میں داخل ہوگئیں جس کے لیے ابھی تک کسی اداکارہ کے نام کا حتمی اعلان تو نہیں کیا گیا البتہ عرفان خان کی بیٹی کا کردار ادا کرنے کے لیے سارہ خان کو منتخب کیا گیا ہے۔

مزید پڑھیں: صبا قمر کی ’ہندی میڈیم‘ کے سیکوئل میں کام کرنے کی تردید

ڈائریکٹر کے قریبی ذرائع کا کہنا ہے کہ اس بار فلم میں چند تبدیلیاں کی جائیں گی جیسے کہ عرفان خان کی بیٹی کو اب 5 کے بجائے 14 سے 18 سال کا دکھایا جائے گا جو نرسری کے بجائے ہائی اسکول میں تعلیم حاصل کرے گی۔

بالی ووڈ ذرائع کے مطابق ڈائریکٹر اور اُن کے ساتھ موجود ٹیم نے لڑکی کا کردار ادا کرنے کے لیے سارہ علی خان کو موزؤں قرار دیا ہے جس کے بعد اُن کی امیدیں کافی حد تک روشن ہوگئیں تاہم مرکزی اداکارہ کے لیے چار ناموں پر غور جاری ہے۔

ہندی میڈیم کے سیکوئل میں بھی عرفان خان دہلی کے امیر کاروباری شخص کا کردار ادا کرتے نظر آئیں گے تاہم پہلے پارٹ میں اُن کی اہلیہ کا کردار ادا کرنے والی پاکستانی اداکارہ کو مرکزی کردار ملنے کے امکانات تقریبا ختم ہی ہوچکے ہیں۔

یہ بھی پڑھیں: فلم فیئر ایوارڈز: صبا قمر کی فلم کے چرچے

فلم ڈائریکٹر نے صبا خان یا کسی اور اداکارہ کو فلم میں کاسٹ کرنے کے حوالے سے سامنے آنے والی خبروں کی تردید کرتے ہوئے کہا ہے کہ جس کو بھی کام کرنے کا موقع دیا جائے گا اُس کا نام سامنے آجائے گا۔

واضح رہے کہ سارہ علی خان آج کل اپنی پہلی بالی ووڈ فلم ’کیدر ناتھ‘ کی شوٹنگ میں مصروف ہیں تاہم دلچسپ امر یہ ہے کہ ہندی میڈیم کے سیکوئل میں سارہ کی والدہ امریتا سنگھ ایک بار پھر اسکول کی پرنسپل کا کردار ادا کرتی نظر آئیں گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top