پاکستان شوبز انڈسٹری کی معروف اداکارہ سارہ خان اور گلوکار فلک شبیر کے ہاں بیٹی کی پیدائش ہوئی ہے۔
تفصیلات کے مطابق اداکارہ کے شوہر فلک شبیر نے انسٹاگرام پوسٹ کے ذریعے ننھی پری کی آمد کی خوش خبری سنائی۔ گلوکار نے بتایا کہ ان کے ہاں بیٹی کی پیدائش ہوئی ہے۔
انہوں نے لکھا کے ریبع الاول کے بابرکت مہینے کے پہلے دن اللہ نے انہیں اپنی رحمت سے نوازا ہے۔
فلک نے بیٹی کے نام کا بھی اعلان کیا اور بتایا کہ دونوں نے کمسن کا نام ‘عالیانہ فلک’ رکھا ہے۔ گلوکار نے چاہنے والوں کی دعاؤں کا شکریہ بھی ادا کیا۔
سوشل میڈیا پر شیئر کی جانے تصویر میں سارہ، فلک اور ان کی بیٹی کا ہاتھ دیکھا جاسکتا ہے۔
خیال رہے کہ سارہ خان اور فلک شبیر جولائی 2020 میں شادی کے بندھن میں بندھے تھے، جس کے بعد سے دونوں ہمیشہ سے اپنی محبت کی وجہ سے انٹرنیٹ پر چرچوں میں رہے۔
Comments
- Advertisement -
