The news is by your side.

Advertisement

سارہ خان کی ننھی پری کے ساتھ تصویر کے چرچے

کراچی: شوبز انڈسٹری کی معروف اداکارہ سارہ خان نے ننھی پری کے ساتھ خوبصورت تصویر شیئر کردی۔

اداکارہ سارہ خان نے فوٹو اور ویڈیو شیئرنگ ایپ انسٹاگرام پر اپنی نئی تصویر شیئر کی جس میں انہوں نے اپنی ننھی بیٹی عالیانہ فلک کو گود میں اٹھایا ہوا ہے۔

تصویر میں دیکھا جاسکتا ہے کہ سارہ خان بیٹی کو پیار کررہی ہیں۔

اداکارہ نے اپنی پوسٹ کے کیپشن میں لکھا کہ ’ماں بننا ایک بے حد حیرت انگیز اور خوبصورت احساس ہے۔

سارہ خان نے لکھا کہ ’اولاد، سب سے حسین نعمت ہے، اللہ تعالیٰ ہر جوڑے کو اولاد کی نعمت سے نوازے، آمین۔

سارہ خان نے گزشتہ روز یہ تصویر شیئر کی جسے لاکھوں صارفین کی جانب سے سراہا جارہا ہے اور ننھی پری کو دعائیں بھی دی جارہی ہیں۔

واضح رہے کہ سارہ خان اور فلک شبیر کے ہاں گزشتہ ماہ بیٹی کی پیدائش ہوئی ہے جس کی اطلاع گلوکار نے سوشل میڈیا پر مداحوں کو دی تھی۔

فلک شبیر نے اپنے سوشل میڈیا پیغام میں مداحوں کو ربیع الاول کے چاند کی مبارک دیتے ہوئے لکھا تھا کہ ’آج اس بابرکت دن کے موقع پر اللّہ تعالیٰ نے ہمیں اپنی رحمت سے نوازا ہے۔‘

گلوکار نے خوشی کے اس موقع پر اللّہ تعالیٰ کا شُکر ادا کرتے ہوئے بتایا کہ اُنہوں نے اپنی بیٹی کا نام ’عالیانہ فلک‘ رکھا ہے، اُنہوں نے اپنے مداحوں کی دُعاؤں اور محبت کے لیے اُن کا بھی شکریہ ادا کیا تھا۔

Comments

یہ بھی پڑھیں