The news is by your side.

Advertisement

دنیا مقبوضہ کشمیر میں انسانی حقوق کی پامالی کا نوٹس لے، سردار مسعود خان

جدہ : صدر آزاد کشمیر سردار مسعود خان نے کہا ہے کہ بھارتی پابندیوں نے کشمیریوں کی زندگی اجیرن کردی ہے، دنیا مقبوضہ کشمیر میں انسانی حقوق کی پامالی کا نوٹس لے۔

یہ بات انہوں نے جدہ میں انسانی حقوق کمیشن کے اجلاس سے خطاب کرتے ہوئےکہی، تفصیلات کے مطابق جدہ میں اوآئی سی کے مستقل انسانی حقوق کمیشن کا خصوصی اجلاس منعقد ہوا، اجلاس میں مقبوضہ کشمیر میں ہونے والی انسانی حقوق کی خلاف ورزیوں کا جائزہ لیا گیا۔

اس موقع پر صدر آزاد کشمیر سردار مسعود خان نے اپنے خطاب میں سلوک مقبوضہ کشمیر میں بھارتی حکومت کی جانب سے روا رکھے جانے والے سلوک اور وادی میں انسانی حقوق کی سنگین خلاف ورزیوں کی صورت حال سے اراکین کو آگاہ کیا۔

سردارمسعود خان نے کہا کہ کشمیریوں کے لئے ہردن یوم سیاہ ہے، بھارتی پابندیوں نے کشمیریوں کی زندگی اجیرن کردی ہے، کشمیریوں کی حمایت پر مستقل انسانی حقوق کمیشن اور اوا ٓئی سی کے شکر گزار ہیں۔

سردار مسعود خان نے کہا کہ کشمیریوں کو اوآئی سی سے بہت سی امیدیں وابستہ ہیں،دنیا مقبوضہ کشمیر میں انسانی حقوق کی پامالی کا نوٹس لے اور بھارت کو پابند کیا جائے کہ وہ او آئی سی اور عالمی میڈیا کو مقبوضہ کشمیر جانے کی اجازت دے، اجلاس میں مقبوضہ کشمیر کے موجودہ حالات پر ڈاکیومنٹری بھی دکھائی گئی۔

fb-share-icon0
Tweet 20

Comments

comments

یہ بھی پڑھیں