The news is by your side.

Advertisement

سبطین خان نے ایک بار پھر بطور صوبائی وزیر حلف اٹھالیا

لاہور : پاکستان تحریک انصاف کے رہنما سبطین خان نے ایک بار پھر صوبائی وزیر کی حیثیت سے حلف اٹھالیا ، سبطین خان نے نیب کیس کی وجہ سے صوبائی وزارت سے استعفی دیا تھا۔

تفصیلات کے مطابق پنجاب کابینہ میں توسیع کردی گئی ، پاکستان تحریک انصاف کے رہنما سبطین خان کی حلف برداری کی تقریب گورنر ہاؤس میں ہوئی، تقریب حلف برداری میں وزیر اعلیٰ پنجاب سردارعثمان بزداراورصوبائی وزراء شریک ہوئے۔

تقریب میں سبطین خان نے ایک بار پھر صوبائی وزیر کی حیثیت سے حلف اٹھالیا گورنر پنجاب چوہدری محمد سرور نے سبطین خان سے حلف لیا۔

مزید پڑھیں : تحریک انصاف کے رہنما سبطین خان جیل سے رہا

یاد رہے جون 2019 کو نیب لاہور نے صوبائی وزیرجنگلات سبطین خان کوگرفتارکیاتھا، ان پرغیرقانونی ٹھیکوں کاالزام ہے، بعد ازاں وزیر جنگلات پنجاب سبطین خان نے گرفتاری کے بعد استعفٰی وزیراعلیٰ پنجاب عثمان بزدار کوبھجوادیا تھا۔

بعد ازاں ستمبر 2019 میں لاہور ہائی کورٹ نے پاکستان تحریک انصاف کے رہنماء سبطین خان کے ضمانت منظور کرتے ہوئے ان کی رہائی کا حکم دیا تھا۔

خیال رہے سبطین خان وزیراعظم کے آبائی حلقے میانوالی پی پی 88 میانوالی چار سے پاکستان تحریک انصاف کے ٹکٹ پر منتخب ہوئے تھے اور پھر وزیر جنگلات و جنگلی حیات بنے، سبطین خان دو ہزار سات میں بھی صوبائی وزیر معدنیات رہ چکے ہیں۔

fb-share-icon0
Tweet 20

Comments

comments

یہ بھی پڑھیں