5سال میں 50 کروڑدرخت لگانےکا ہدف مقرر کیا ہےجو پورا کریں گے ‘ عثمان بزدار -
The news is by your side.

Advertisement

5سال میں 50 کروڑدرخت لگانےکا ہدف مقرر کیا ہےجو پورا کریں گے ‘ عثمان بزدار

لاہور: وزیراعلیٰ پنجاب سردار عثمان بزدارکا کہنا ہے کہ ہم نے ملک میں صفائی کی صورت حال کو بہترکرنا ہے۔

تفصیلات کے مطابق لاہور میں وزیراعلیٰ پنجاب نے میڈیا سے گفتگو کرتے ہوئے کہا کہ کلین اینڈ گرین پاکستان مہم میں بھرپورحصہ لیں گے۔

سردار عثمان بزدار نے کہا کہ 5 سال میں 50کروڑدرخت لگانے کا ہدف مقرر کیا ہے جوپورا کریں گے اور پنجاب میں 55 ارب روپے کی زمین واگزار کرا لی ہے۔

انہوں نے کہا کہ گزشتہ آئی جی پنجاب کی پوسٹنگ بھی شیڈول کے بعد ہی ہوئی تھی، آئی جی پنجاب کی تبدیلی کوکیس کے تناظرمیں دیکھنا ہے توایک جیسا کیس ہے۔

وزیراعلیٰ پنجاب نے کہا کہ ضمنی انتخاب والے حلقوں میں دفعہ 144 نافذ کی گئی ہے، ضمنی الیکشن میں امن وامان کا ماحول برقراررکھنے کے لیے ہرممکن مدد کریں گے۔

سردار عثمان بزدار نے کہا کہ وزیراعلیٰ پنجاب آئینی لحاظ سے بنتا ہے اورمیں وزیراعلیٰ ہوں، حکومت میں ہرکسی کا اپنا رول ہے۔

وزیراعلیٰ پنجاب نے کہا کہ ہم پیارمحبت سے کام کرنا چاہتے ہیں، طریقے ہمیں بھی بہت آتے ہیں۔

انہوں نے واضح کیا کہ ڈی پی او پاکپتن کا معاملہ عدالت میں ہے اس پربات نہیں کروں گا، جوعدالت حکم دے گی اس کی تعمیل کریں گے۔

Comments

comments

یہ بھی پڑھیں