The news is by your side.

Advertisement

سرفراز احمد قربانی کے دو خوبصورت بچھڑے لے آئے

کراچی: قومی کرکٹ ٹیم کے کپتان سرفراز احمد نے قربانی کی غرض سے لائے گئے بچھڑوں کی تصاویر شیئر کردیں۔

تفصیلات کے مطابق ذوالحج کا چاند نظر آنے کے بعد فرزندان اسلام ذبیحہ کے لیے جانور خریدنے کا انتظام کررہے ہیں اور ہر شخص اپنی استطاعت کے مطابق قربانی میں حصہ ڈال رہا ہے۔

کراچی کے علاقے سہراب گوٹھ میں بھی ایشیا کی سب سے بڑی مویشی منڈی میں خریدوفروخت عروج پر پہنچ گئی اور لوگ جانوروں کی خریداری کے لیے وہاں کا رخ کررہے ہیں۔

قومی کرکٹ ٹیم کے کپتان سرفراز احمد نے سماجی رابطے کی ویب سائٹ پر اپنے دو بچھڑوں کی تصاویر شیئر کرتے ہوئے لکھا کہ ’’تیاریاں مکمل ہیں، اسٹیج تیار ہے، عید قرباں کا انتظار ، ہمارے بچھڑے بھی قربان ہونے کے تیار اور بے تاب ہیں۔ سرفراز احمد نے دعا کی کہ اللہ تعالیٰ تمام لوگوں کی قربانیاں اور تیاریاں قبول فرمائے‘‘۔

سرفراز احمد قربانی کے جانور مویشی منڈی سے خرید کر نہیں لائے بلکہ انہوں نے یہ گزشتہ برس خرید کر انہیں فارم پر دے دیا تھا جہاں اُن کی پرورش ہوئی، اسی طرح وہ آئندہ سال کے لیے بھی بچے خرید کر فارم پر دے دیں گے۔

Comments

comments

یہ بھی پڑھیں