کراچی: قومی کرکٹ ٹیم کے کپتان سرفراز احمد کے صاحبزادے عبداللہ کی دورانِ نماز والد سے چھیڑ چھاڑ کی ویڈیو وائرل ہوگئی۔
تفصیلات کے مطابق قومی کرکٹ ٹیم کے کپتان سرفراز احمد 19 نومبر 2015 کو سابق امپائر کی صاحبزادی خوش بخت سے رشتہ ازدواج میں منسلک ہوئے۔
سرفراز احمد کے گھر فروری میں بیٹے کی پیدائش ہوئی۔
- Advertisement -
یہ بھی پڑھیں: سرفراز! تمھارا بیٹا نرسری میں فرسٹ آئے
سرفراز نےاپنے بیٹے عبداللہ کی تصاویر سوشل میڈیا پر شیئر کیں تو انہیں ہرطرف سے مبارک باد کے پیغام موصول ہوئے، قومی ٹیم کسی بھی ملک کا دورہ کرے سرفراز کی اہلیہ اور بیٹا ساتھ ہوتے ہیں۔
قومی کرکٹ ٹیم کے کپتان کی اہلیہ خوش بخت نے سماجی رابطے کی ویب سائٹ پر ایک ویڈیو شیئر کی جس میں دیکھا جاسکتا ہے کہ سرفراز احمد نماز پڑھ رہے ہیں اور اس دوران 10 ماہ کا عبداللہ اُن سے چھیڑ چھاڑ کررہا ہے۔
ویڈیو دیکھیں
— Khushbakht A Shah (@KhushSarfaraz) December 15, 2017
