The news is by your side.

Advertisement

والدہ کی علالت کے باعث سرفراز احمد کی وطن واپسی

آسٹریلیا میں ہونے والی ون ڈے سیریز کے لیے پاکستانی ٹیم کو ایک اور دھچکا لگ گیا۔ وکٹ کیپر بیٹسمین سرفراز احمد کی والدہ علیل ہونے کے باعث اسپتال میں داخل ہوگئیں جس کے بعد سرفراز احمد واپس آرہے ہیں۔

تفصیلات کے مطابق سرفراز احمد کی والدہ علیل ہونے کے بعد نجی اسپتال میں زیر علاج ہیں جس کے باعث سرفراز احمد وطن واپس آرہے ہیں۔ ان کی جگہ کامران اکمل کو ٹیم میں شمولیت کے لیے بھیجا جارہا ہے۔

دو روز قبل فاسٹ باؤلر عرفان خان بھی اپنی والدہ کے انتقال کے باعث وطن واپس آچکے ہیں اور ان کی جگہ جنید خان کو سیریز میں شرکت کے لیے بھیجا گیا تھا۔

یاد رہے کہ قومی کرکٹ ٹیم 3 ٹیسٹ میچز اور 5 ایک روزہ میچز کی سیریز کھیلنے کے لیے آسٹریلیا میں موجود ہے جہاں قومی ٹیم کو ٹیسٹ سیریز کے تینوں میچوں میں بدترین شکست کا سامنا کرنا پڑا۔

ایک روزہ میچوں کا آغاز 13 جنوری سے ہونے جا رہا ہے۔

Print Friendly, PDF & Email

Comments

comments

یہ بھی پڑھیں