The news is by your side.

Advertisement

سرفراز اصلی زندگی میں بھی ہیرو، معذور مداح‌ کو اپنی ٹی شرٹ تحفہ دے دی

کراچی: قومی کرکٹ ٹیم کے کپتان سرفراز احمد اصل زندگی میں بھی ہیرو نکلے، معذور مداح ملاقات کے لیے پہنچا تو خصوصی ملاقات کی اور تحفہ بھی دیا۔

تفصیلات کے مطابق وطن واپسی کے بعد قومی کرکٹ ٹیم کے کپتان سرفراز احمد کی رہائش گاہ پر کرکٹ شائقین کی آمد کا سلسلہ جاری ہے، عوام کے جم غفیر میں ائیرپورٹ سے اپنے گھر پہنچنے والے سرفراز احمد بھی گھر کی بالکونی میں آکر مداحوں کا شکریہ ادا کرتے ہیں۔

پڑھیں: فائنل جیت کر قوم کو عید کا تحفہ دیا، سرفراز احمد

وطن واپسی پر سرفراز کا اہالیان کراچی نے پرتپاک استقبال کر کے سب کو حیرت میں ڈال دیا اور خود کپتان نے بھی اس بات کو تسلیم کیا کہ عوام نے دل کھول کر استقبال کیا اور میری رہائش گاہ کے باہر بہت سارے لوگوں نے سحری کی۔

ویڈیو دیکھیں

گزشتہ رات سرفراز کے معذور مداح ملاقات کی خواہش لیے اپنے اہل خانہ کے ہمراہ بفرزون پہنچے تو  کپتان نے نہ صرف ملاقات کی بلکہ اُس مداح کو اپنی ٹی شرٹ بھی بطور تحفے میں دے ڈالی۔ معذور مداح کپتان سے ملنے والے تحفے کو دیکھ کر نہ صرف خوش ہوا بلکہ اُس کے اہل خانہ نے سرفراز احمد کا شکریہ بھی ادا کیا۔

Print Friendly, PDF & Email

Comments

comments

یہ بھی پڑھیں