The news is by your side.

Advertisement

’بھارت نواز رمیز راجہ کو پی سی بی چیئرمین بنانا درست نہیں‘

لندن: قومی ٹیم کے سابق فاسٹ بولر سرفراز نواز نے رمیز راجہ کو چیئرمین پی سی بی بنانے کی مخالفت کردی۔

اے آر وائی نیوز کے مطابق سابق ٹیسٹ کرکٹر سرفراز نواز نے نیوز کانفرنس کرتے ہوئے کہا کہ بھارت نواز رمیز راجہ کو پی سی بی چیئرمین بنانا درست نہیں ہوگا، رمیز راجہ نے بگ تھری منصوبے میں بھارت کی بھرپور حمایت کی تھی۔

سرفراز نواز نے کہا کہ احسان مانی کو وزیراعظم کی بات مان کر ورلڈ کپ تک کام کرنا چاہیے۔

سابق فاسٹ بولر نے کہا کہ سابق کرکٹر ماجد خان، سلیم الطاف، ظہیر عباس، جواد خان موزوں امیدوار ہیں۔

انہوں نے مزید کہا کہ ادارہ جاتی کرکٹ بحال کی جائے کھلاڑی بھیک مانگنے پر مجبور ہیں۔

واضح رہے کہ پاکستان کرکٹ بورڈ کے الیکشن کمشنر جسٹس ریٹائرڈ شیخ عظمت سعید نے بورڈ کے 36ویں چیئرمین کے انتخاب کیلئے بورڈ آف گورنرز کا اجلاس 13 ستمبر کو طلب کیا ہے۔

اس سے قبل پی سی بی کے پیٹرن ان چیف اور وزیراعظم عمران خان نے اسد علی خان اور رمیز راجہ کو آئندہ تین سال کیلئے بی او جی کا رکن نامزد کیا۔

نوٹیفکیشن کے مطابق دونوں ارکان کی تعیناتیاں تین سال کیلئے ہیں، ذرائع کے مطابق بی او جی کے اجلاس میں سابق کپتان رمیز راجہ کو چیئرمین منتخب کیا جائے گا۔

Comments

یہ بھی پڑھیں