site
stats
کھیل

میچ میں قسمت نے بہت ساتھ دیا، اللہ کا شکرگزارہوں، سرفرازاحمد

کارڈف : پاکستان ٹیم کے کپتان سرفراز احمد نے کہا ہے کہ میچ میں قسمت نے بہت ساتھ دیا۔ اللہ پاک کا بے حد شکر گزار ہوں، امید ہے مستقبل میں بھی ایسا ہی کھیل پیش کروں گا، یقین نہیں آرہا کہ میچ جیت گئے، محمد عامر نے پارٹنر شپ میں بہترین ساتھ دیا۔

یہ بات انہوں نے میچ کے اختتتام کے بعد میڈیا سے گفتگو کرتے ہوئے کہی، سرفراز احمد کا کہنا تھا کہ ہماری باﺅلنگ اور فیلڈنگ بہت ہی اچھی رہی ہے، جس کی وجہ سے میچ جیت سکے ہیں۔

انہوں نے کہا کہ انگلینڈ کی ٹیم گزشتہ 2 سال سے بہت مثبت کھیل پیش کر رہی ہے اس لیے کوشش کریں گے کہ ان کے خلاف ہم بھی مثبت کھیلیں۔

ایک سوال کے جواب میں ان کا کہنا تھا کہ پاکستان کی ٹیم میں بہترین بلے باز ہیں اور مجھے اپنے کھلاڑیوں پر پورا اعتماد ہے جس کا نظارہ انگلینڈ کے خلاف میچ میں دیکھنے کو ملے گا۔

یاد رہے کہ پاکستان نے ایک سنسنی خیز مقابلے کے بعد سری لنکا کو تین وکٹوں سے شکست دے دی ہے، جس کے بعد پاکستان نے چمپیئنز ٹرافی کے سیمی فائنل کیلئے کوالیفائی کرلیا ہے۔


مزید پڑھیں: چمپیئنزٹرافی : پاکستان نے سری لنکا کوتین وکٹوں سے ہرادیا


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top