The news is by your side.

Advertisement

سرفراز احمد کو میچ فکسنگ پر اکسانے والے شارجہ اسٹیڈیم کے سابق ملازم کو چارج شیٹ جاری

لاہور: انٹرنیشنل کرکٹ کونسل (ائی سی سی) نے سرفراز احمد کو میچ فکسنگ پر اکسانے والے شارجہ اسٹیڈیم کے سابق ملازم عرفان انصاری کو چارج شیٹ جاری کرتے ہوئے 14 روز میں جواب طلب کرلیا۔

شارجہ اسٹیڈیم کے سابق ملازم عرفان انصاری نے گزشتہ برس سری لنکا کے خلاف سیریز کے دوران پاکستان کرکٹ ٹیم کے کپتان سرفراز احمد کو میچ فکسنگ پر اکسانے کی کوشش کی تھی، جس پر سرفراز نے فوری طور پر پی سی بی کو آگاہ کردیا تھا۔

آئی سی سی کا کہنا ہے کہ عرفان انصاری پر ایک کلب اور انٹرنیشنل کرکٹ ٹیم کے ساتھ منسلک ہونے کی وجہ سے اینٹی کرپشن کا کوڈ لاگو کیا گیا۔

آئی سی سی کا کہنا ہے کہ اکتوبر 2017 اور فروری 2018 میں شارجہ اسٹیڈیم کے سابق ملازم نے اینٹی کرپشن یونٹ کے ساتھ تعاون نہیں کیا، جس کی وجہ سے ان پر اس شق کی دو بار خلاف ورزی کا الزام ہے۔

مزید پڑھیں: سرفراز احمد نے سٹے باز سے متعلق مکمل معلومات آئی سی سی کو دے دی

انٹرنیشنل کرکٹ کونسل نے عرفان انصاری پر بار بار بلانے پر پیش نہ ہونے اور تین شقوں کی خلاف ورزی کا الزام عائد کیا ہے جس پر انہیں 14 روز میں جواب جمع کرانا ہوگا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں