The news is by your side.

Advertisement

شرجیل کےٹیم میں نہ ہونےسےفرق پڑےگا ‘ سرفراز احمد

لاہور: قومی کرکٹ ٹیم کےکپتان سرفراز احمد کا کہناہےکہ دورہ ویسٹ انڈیز کےلیےمجھ پرکوئی دباؤ نہیں تاہم شرجیل کےٹیم میں نہ ہونے سے فرق پڑے گا۔

تفصیلات کےمطابق ٹی ٹوئنٹی اور ون ڈے کرکٹ ٹیم کے کپتان سرفراز احمد نے قذافی اسٹیڈیم میں میڈیا سے بات کرتے ہوئے کہاکہ ویسٹ انڈیز میں اچھا پرفارم کرنے کی کوشش کریں گے۔

قومی کرکٹ ٹیم کےکپتان کا کہناتھاکہ قومی ٹیم میں شامل نئے کھلاڑی بہت باصلاحیت ہیں،سب کھلاڑی ایک دوسرے کوسپورٹ کررہے ہیں۔

میڈیا سےبات کرتے سرفرازاحمد کا کہناتھاکہ ورلڈکپ میں براہ راست رسائی کیلئے دورہ ویسٹ انڈیز بہت اہم ہے۔انہوں نےکہاکہ فاسٹ باؤلر محمدعامر اور وہاب ریاض سے اچھی امیدیں ہیں۔

کامران اکمل سے متعلق سوال کےجواب میں قومی ٹیم کےکپتان کا کہناتھا کہ کوشش کریں گےان کو ٹاپ آرڈر میں استعمال کریں۔

خیال رہےکہ قذافی اسٹیڈیم کےکیمپ میں کھلاڑیوں نے ایک ہفتہ بھر پور ٹریننگ کی اور آج پاکستان کرکٹ ٹیم کے تربیتی کیمپ کا آخری روزتھا۔

مزید پڑھیں:سرفراز اچھا پرفارمر ہے‘ ہمارے درمیان کوئی جیلسی نہیں‘ کامران اکمل

یاد رہےکہ دوروزقبل قذافی اسٹیڈیم میں میڈیا سے بات کرتے ہوئےکامران اکمل کا کہناتھاکہ سرفراز اچھا پرفارمر ہےہمارے درمیان کوئی جیلسی نہیں ہے۔

واضح رہےکہ پاکستان کرکٹ ٹیم سرفراز احمد کی قیادت میں 20مارچ کو ویسٹ انڈیز روانہ ہوگی جہاں وہ ویسٹ انڈیز کےخلاف پہلاٹی ٹوئنٹی میچ 26مارچ کوکھیلاجائےگا۔

Print Friendly, PDF & Email

Comments

comments

یہ بھی پڑھیں