The news is by your side.

Advertisement

بیٹنگ کی ناکامی شکست کی وجہ بنی، سرفراز احمد

ویلنگٹن: قومی کرکٹ ٹیم کے کپتان سرفراز احمد نے پہلے ٹی ٹوئنٹی میچ میں شکست کا ذمہ دار ناقص بیٹنگ کو قرار دے دیا۔

ان خیالات کا اظہار انہوں نے میچ کے بعد پریس کانفرنس کرتے ہوئے کیا، سرفراز احمد کا کہنا تھا کہ نیوزی لینڈ نے نئی گیند کا استعمال بہت عمدگی سے کیا۔

انہوں نے کہا کا پچ کا اندازہ تھا لیکن بیٹنگ لائن توقعات پر پورا اترنے میں ناکام رہی تاہم 140 رنز بھی بنالیتے تو میچ اچھا ہوجاتا۔

محمد عامر اور رومان رئیس کی بالنگ کی تعریف کرتے ہوئے سرفراز احمد کا کہنا تھا کہ شروع کے اوورز میں بالرز نے اچھی بالنگ کی اگلے میچز میں اچھی کارکردگی کا مظاہرہ کریں گے۔

نیوزی لینڈ کے کپتان ٹم ساؤتھی نے کہا کہ نوجوان لڑکے اچھا پرفارم کررہے ہیں، اس وکٹ پر ٹاس جیت کر پاکستان کی جلد وکٹیں لینے کا منصوبہ بنایا تھا جس میں کامیاب رہے۔

مین آف دی میچ کولن منرو نے کہا کہ بیٹنگ کے لئے پچ مشکل تھی تاہم وکٹ پر تھوڑا ٹھہرنے کے بعد بیٹنگ آسان ہوگئی۔ ٹیم میٹنگ میں سیدھے بیٹ سے کھیلنے کی ترغیب دی گئی تھی تاہم کراس بیٹ سے کھیلنے کی وجہ سے ہم نے وکٹیں گنوائیں۔

مزید پڑھیں: پہلا ٹی 20: نیوزی لینڈ کی پاکستان کو 7 وکٹوں سے شکست

واضح رہے کہ ون ڈے سیریز میں وائٹ واش کرنے کے بعد کیویز نے پاکستان کو پہلے ٹی ٹوئنٹی میچ بھی سات وکٹوں سے شکست دی تھی۔

مزید پڑھیں: ٹیم کی واپسی پرکپتان اورکوچ کے ساتھ بیٹھ کربات ہوگی، انضمام الحق

Comments

comments

یہ بھی پڑھیں