The news is by your side.

Advertisement

کرکٹ کے ساتھ دیگرکھیلوں کی بھی حوصلہ افزائی ضروری ہے: سرفراز احمد

ٹی 20 کی ٹیم بہت متوازن ہے، امید ہے، مستقبل میں مزید بہترنتائج دے گی

کراچی:قومی ٹیم کے کپتان سرفراز احمد نے کہا ہے کہ کرکٹ کے ساتھ ساتھ دیگر کھیلوں سے وابستہ کھلاڑیوں کی بھی حوصلہ افزائی ضروری ہے.

ان خیالات کا اظہار انھوں نے کراچی میں ایک تقریب سے خطاب کرتے ہوئے کیا. ان کا کہنا تھا کہ حوصلہ افزائی ملنے سے کھلاڑیوں کا جذبہ بڑھتا ہے.

زمبابوے سے سیریز ٹف ہے، وہ ہوم گراؤنڈ پر اچھا کھیلتی ہے

سرفراز احمد

سرفراز احمد کا کہنا تھا کہ کوشش ہے کہ پاکستان کے لیے مزید کامیابیاں سمیٹیں، ٹی 20 کی ٹیم بہت متوازن ہے، امید ہے، مستقبل میں مزید بہتر نتائج دے گی.

قومی ٹیم کے کپتان نے کہا کہ زمبابوے سے سیریز ٹف ہے، وہ ہوم گراؤنڈ پر اچھا کھیلتی ہے، آسٹریلیا کےاہم کھلاڑی نہیں، لیکن پھربھی وہ کمزورٹیم نہیں.

انھوں نے کہا کہ ٹی20میں جیت اسی کی ہوگی، جو اچھا کھیلے گا، موقع کی مناسبت سے دیکھیں گے کس کو ٹیم میں موقع دینا ہے.

ان کا کہنا تھا کہ دیگر کھیلوں سے وابستہ کھلاڑیوں کی بھی حوصلہ افزائی از حد ضروری ہے، تاکہ ملک میں‌ کھیلوں کی سرگرمیاں ترقی کریں.

یاد رہے کہ اس وقت پاکستان ٹی ٹوینٹی کی نمبر ون ٹیم ہے، آخری بار پاکستان اسکاٹ لینڈ کے خلاف دو ٹی ٹوینٹی سیریز میں ایکشن میں نظر آئی تھی، جہاں پاکستان نے اسکاٹ لینڈ کو وائٹ واش کر دیا تھا۔


دوسرا ٹی ٹوئنٹی: پاکستان نے اسکاٹ لینڈ‌ کو وائٹ واش کردیا


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں